Maladeyes des poyes ås adenovirûsses

acsujhaedje a pårt do djezî

aiwlinne e cour (aweye) et rnolite

Siplawnés foetes

Gn a sacwants maladeyes des poyes cåzêye pås adenovirûsses.

Ele shonnèt todi pus corantes, dispu les anêyes 2010, avou des noveas stoks di virûsse.

Gn a des maladeyes bén ricnoxhowes et des ôtes k' arivèt avou des noveas stoks.

Sacwants maladeyes bén ricnoxhowes

Ces maladeyes la sont cåzêye pa ene sôre a pårt d' adenovirûsse des poyes:

• sindrome do tcheyaedje del ponêye 1976 ((en) Egg drop syndrome '76), c' est ene indjes lomêye Atadenovirûsse.
• foetite ås coirs d' ecloyaedje ((en) inclusion body hepatitis), cåzêye pås aviadenovirûsses des indjes D et E.
• sindrome foetite ey aiwe e cour ((en) hepatitis-hydropericardium syndrome) cåzé på serotipe 4.
• schavaedje di djezî ås adenovirûsses ((en) adenoviral gizzard erosion) cåzé på serotipe 1.

Organes coranmint acsûts

Ces virûsses la si lodjèt purade dins l' foete et dins les boyeas. L' acsujhaedje do foete pout provoker di l' aiwlinne e vinte, et dins l' saetch do cour.

Gn a padecô ossu on houzaedje des rnos.

Li maladeye espaitche les polets di crexhe normåldimint, a cåze d' ene måluzance des alimints.

Discopeçaedje di polets d' 28 djoûs dandjreus avou ene maladeye a adenovirûsse

• 
  aiwlinne e vinte
• 
  aiwlinne e vinte ey e cour
• 
  efouwaedje prumî boyea
• 
  splawnaedje do foete