Marcel David

Èn årtike di Wikipedia.

Li Wiccionaire si rsieve di sacwants fråzes da "Marcel David" po-z enimådjî des mots k' i gn a.

Marcel David a skepyî a Håre li 12 di may 1923 et î a morou li 8 di setimbe 2006.

Dins ses vîs djoûs, il a scrît des arimés e walon.

Sacwants d' ses tecses ont stî rprins dins l' rivuwe "Singulîs".

Ouve e walon[candjî | candjî l’ côde wiki]

Il a rashonné ses scrîs divins deus ramexhnêyes :

Corwaitaedje di ses ouves[candjî | candjî l’ côde wiki]

C' est purade des arimés a môde di fåve, fåve-couyonåde, u rimostrante fåve, come les fåves di djåzantès biesses, mins sovint avou des djins.

Marcel David n' a stî a nole sicole di walon, ni stî mimbe di nole soce.

Si walon est foirt libe, come on l' cåzéve sol fén do 20inme sieke. Gn a toplin des francijhas, mins eto ene cåkêye di beas vîs mots classikes. Gn a mo des fråzes di ces lives la k' ont stî rprinjhe e splitchant motî do walon.

Ces lives la mosternut kel walon est co bén vicant, et ritche, dins ces cotoûs la del Hôte Årdene.