Mareye-clape-shabots (tchanson)

Èn årtike di Wikipedia.
Pol discramiaedje des årtikes avou l' mot « Mareye », loukîz cial.
tchantaedje pa ene båshele di 7 ans dilé l' Pårlumint walon

Mareye-clape-shabots, c' est ene viye tchanson walone, pus vite d' après l' Payis d' Lidje.

Elle est tchantêye dins les fiesses di famile, dins les bals di dicåce après l' arestaedje di l' orkesse, dins les fiesses di studiants.

Elle est purade tchantêye al fén del shijhe, divant d' eraler, avou des ôtes årgudinnes come "Zande Candlete n' erva nén co" u "Cwand i nos fårè-z eraler".

Foû do payis d' Lidje, on replaece voltî "bounnute" pa "bonswer".

Tecse del tchanson[candjî | candjî l’ côde wiki]

Bounnute Mareye-clape-shabots
Trossîz bén vos cotes cwand vos iroz ... (tchire)
Bounnute Mareye-clape-shabots
Trossîz bén vos cotes cwand vos iroz co.

Respleu

Bounnute, bounnute, bounnute, Mareye-clape-shabot
Bounnute, bounnute, bounnute, Mareye-clape-shabot.
Djôzef, vos avoz des pious
Dji les a veyou cori so vosse tiesse
Djôzef, vos avoz des pious
Dji les a veyou cori so vosse cou.

å respleu.

Po n' nén dire "tchire", k' est rwaitî come grossir, on pout sovint muzer, copurade dins les fiesses di famile, cwand gn a co des efants d' dispiertés.