Maurice Carême (trente poésies pour jeune public) (live)
Ratournaedje di powinmes Maurice Carême po ls efants
Li live di ratournaedje di powinmes Maurice Carême po ls efants, ki l' tite c' est «Maurice Carême» et l' sortite trente poésies pour jeune public», c' est on live di powezeyes da Maurice Carême, rimetowes e walon pa ene troplete di scrijheus e walon del soce «Les Relîs namurwès».
C' est l' minme soce ki l' a-st eplaidî so papî e 2024, eyet so leu waibe, la k' elle est aberwetåve.
ISBN : 978-2-960334-01-2
Gn a èn ôte live da Maurice Carême k' a moussî foû e 2025, avou des ôtes arimés, mins ratournés e walon pa les minmes djins: Maurice Carême en wallon (live)
Contnou
[candjî | candjî l’ côde wiki]Li live atake på portrait do scrijheu, pa Jean Colot et Jean Hamblenne. Come tot l' restant do live, les tecses sont scrîts e walon ey e francès.
Adonpwis, gn a èn adrovaedje da Bernard Thiry, a môde d' adviertixhmint ås scoleus des efants ki sont l' adiercî publik.
Après çoula, troes pådjes di croejhete.
Li prumî powinme, pådje 10, est ratourné pa Luc Collard, ey est shuvou d' on dessén siné Nathalie Cavalier.
Les powinmes, di 8 (p. 32) a 20 vers, seront prezintés tertos del minme manire : mwaisse tecse a hintche, ratournaedje e walon å mitan, motlî avou les målåjheys mots a droete, desséns sol pådje d' après.
Les mwaisses tecses vegnnut d’ ene dijhinne di lives diferins.
Houte di Luc Collard (2 powinmes), vos rtrouvroz l’ pene da Jean Colot (2 ouves eto), Françoise Evrard (k’ a l’ plouma avou 13 tradujhaedjes), Anne-Marie François (6 côps), Jean Hamblenne (3 powinmes), Bernard Louis (2 côps) eyet Joëlle Spierkel (2 feyes eto).