Boufletes

Èn årtike di Wikipedia.
(Redjiblé di Mawetes)

Po des linwincieusès racsegnes sol mot "boufletes", alez s' vey sol Wiccionaire

Les boufletes, u les mawetes, u co les mofletes, c' est ene maladeye d' efant, sins griyeusté, la k' les glandes oriyreces sont-st houzêyes.

Cåze[candjî | candjî l’ côde wiki]

Li må est cåzé pa on virûsse.

Senes clinikes[candjî | candjî l’ côde wiki]

Tot å cmince, l' efant si pout plinde k' i sint «come èn oxhea» djusse dizo l' oraye. C' est l' glande oriyrece k' est deure et efouwêye.

Ci côp la, gn a on mol houzmint dirî l' djonteure des djawes, k' on pout fé tronner. Cisse groxheur si va stinde dirî l' montante brantche del badjawe pu dizo l' babetch.

A ç' moumint la, li tchife parexhe gonflêye, tot come dins on laid må d' dints.

Sovint, les deus costés n' sont nén acsûts e minme tins.

Li maladeye ni s' atrape k' on côp sol veye.

Si les valets n' l' atrapèt nén di leu-z efance, mins come djonnea u grande djin, li må pout dischinde dins les pårteyes (dins 15 a 40 åcint des cas).

Normåldimint, dins les efants, li må rwerixh so deus troes djoûs.

Commons
Commons
I gn a so les cmons Wikipedia des imådjes ou fitchîs son a vey avou les boufletes .