Mostraedje do ro

ro foû d' cwate djoûs

Li mostraedje do ro u poûssaedje do bouzin, c' est ene maladeye des vatches, mins eto des berbis, ki s' rescontere les djoûs u les samwinnes divant l' velaedje.

Li ro, c' est l' paroeze del nate divintrinne ki, å cminçmint, vént båcter på trô del nateure cwand l' vatche est coûtcheye.

Egriyeuzixhaedjes

nateure pår ritournêye

Come li ro rexhe purade cwand l' vatche est coûtcheye, li vatchî nel sait nén vey del nute. Li paroeze del nate si pout anichter dins les flates, et s' kimagnî, pu s' grangriner

Pacô, li vexheye vént foû avou l' ro.

Rålmint eto, li må racmince après l' velaedje. Tote li nateure pout moussî foû.

Médiaedje

On sait åjheymint rimete li nate e s' plaece, et fé on rakeudaedje a môde di cloyaedje di boûsse dizo l' pea. Come di djusse, fåt côper l' fi d' cozaedje evoye å velaedje. Mins gn a des vatches ki presnut si foirt k' ele råyèt l' racozaedje.

S' i gn a forboutaedje del vexheye, el fåt vudî divant di rmete li bouzin ddins. Ôtrumint, on n' î arive nén.

• 
  vudaedje avou ene aweye
• 
  li minme, li vexheye a mitan vudeye
• 
  cas on djoû vî, vexheye vudeye avou 3 aweyes
• videyo des deus cas di dvant

Divnaedje d' ene vatche ki boute li ro

Ene vatche ki rexhe ene miete li bounete ene anêye, gn a bråmint des tchances k' ele li rmosterrè l' anêye d' après, bråmint pus timpe divant d' fé leu vea. I våt mî d' l' ecråxhî et l' vinde pol mangonreye.