Motî:åwe

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "åwe" est recråxhî sol Wiccionaire

ene trope d' åwes

åwe [f.n.]

1. gros spès oujhea d' poli avou les pates epåmêyes, on longou cô et on gros foirt betch.

2. såvadje oujhea, did dou ki l' sôre di cinse provént; el Walonreye, les sôres k' î rpassèt si lomèt e sincieus latén Anser anser eyet Anser fabalis. Cwand les åwes erpassèt, c' est sene di bon tins (ramexhné pa A. Carlier). rl a: såvadje åwe, djår, cråler >> bôrer u edjaver les åwes: les sognî d' foice, tot lzî stitchant l' amagnî dins l' djavea. >> djeû d' l' åwe: djeu d' sôcieté, avou deus dés k' on tape po vey cobén d' cwårés k' on pout avancî en ene sôre di pavêye di 90 cwårés, avou des rcompinses (on zopele pus lon) u des wadjaedjes (on dmeure aroké). >> roter come ene åwe, roter tot hinant les pîs ådfou, come on gros bourlouf. >> c' est co onk po-z aler e paradi des åwes: c' est on fén biesse, on boirgnasse. >> (nén piké des viers) ele sintrè vite a s' cou come les åwes vessèt: tot djåzant d' ene crapåde ki va divnou feme: elle årè co bénrade håsse d' aprinde a djouwer åzès djeus d' l' amour. >> oû d' åwe: oû d' bwès k' on stitche dins ene tchåsse po l' tinkyî, sol tins k' on l' rasserceye. >> pate d' åwe: rl a: pate d' åwe. >> djetreye u tape a l' åwe, djeu d' dicåce did dinltins, disfindou pal Soce di Proteccion des Biesses diviè 1910, wice k' on djetéve ene haminde (on djetéve u on tapéve u on hinéve a l' åwe) eviè des åwes pindowes après ene rowe (ene rowe d' åwes) po lzî côper l' cô, et wangnî li biesse po fé fricasse; did la les ratourneures:

>> pinde a l' åwe: a) pinde et berlondjî, tot cåzant d' ene d' ene coxhe, d' on pwès pindou après ene coide k' est cåzu scotêye (come ene åwe k' a cåzu l' cô côpé, mins ki tént co, e djeu del djetreye a l'åwe) F. ne plus tenir qu' à un fil. b) (imådjreçmint) esse al moirt. Franwal: ahåyant po: "avoir du plomb dans l'aile; être sur le fil du rasoir". >> dji t' va cråwer a l' åwe: dji t' va maker d' on plin côp. >> fé l' rowe d' åwe: fé on poirî sol costé, so ses mwins; F. culbute latérale. rl a: kilabala.

Disfondowes: auwe, âwe; rl a: oye, , zwè.

Etimolodjeye: latén auca (minme sinse).

| åwlete [f.n.] djonne åwe. rl a: ôclete.

Disfondowes: (auwlète, âwlète, auwlate).

| åwlî, ålresse u åwlire [o.f.n.]

1. wårdeu(se) d' ene trope d' åwes; rl a: ôclî.

2. martchand(e) d' åwes.

3. poytî, poytresse k' aclive des åwes (et sovint les bôrer po fé do fwagra). rl a: edjaveu. F. gaveur.

Disfondowes: auwlî, (aulresse); âwlî, (auliè, aulière).



Dipus d' racsegnes so les åwes