Motî:roman 2

Èn årtike di Wikipedia.
(Redjiblé di Motî:Roman Payis)
Sauter à la navigation Sauter à la recherche

Wiktionary-logo.svg

Li mot "roman" est recråxhî sol Wiccionaire

roman 2, romande u romane [addj.]

1. (1200 a 1550) a vey avou les lingaedjes d' oyi del Bijhe. Et ci vî lingaedje walon ou roman la, nos l' eployans el Gåle beldjike, çou ki vout dire e Hinnot, Cambrezis, Årtwès, Nameur, Lidje, Lorinne, Årdene eyet romand Braibant, et il est foirt diferin do francès, k' est pus modiene eyet gayård (Jean Lemaire des Bedjes, 1510).

2. ki djåze on lingaedje vinant do latén, eneviè li ci (cene) ki djåze on lingaedje tîxhon. Dj' avans stî e vacances el Swisse Romande. Li Kebek, c' est l' seule province do Canada romande a cint åcint. >> roman lingaedje: lingaedje ki vént do latén (francès, espagnol, itålyin, portuguès, roumin, et sacwants lingaedjes coinreces di Walonreye, France, Espagne, Swisse, Roumaneye, Itåleye). >> li Roman Payis: a) (divant 1990) boket del dutcheye di Braibant, pus del province bedje di Braibant, la k' on djåze walon, et nén tîxhon. b) (dispu 1990) province del Braibant walone. >> li Beldjike romande: (mot d' diyalectolodjisse) boket del Beldjike wice k' on djåze des romans lingaedjes do payis, ki c' est l' Walonreye politike, sins li Cminålté tîxhon-cåzante di Neyow.

Croejhete: l' addjectif "roman" si pout mete divant l' no, copurade dins les viyès ratourneures: Roman Payis, roman lingaedje.

| romanes [f.n.t.pl.] situdiaedjes a l' univiersité do latén eyet do francès, avou sacwants scolaedjes sol walon.

| romanisse [o.f.n.] djin ki fwait u k' a fwait les romanes. Les romanisses sont rålmint des rcåzeus d' walon, ca il ont stî aprins a l' riwaitî come ene pîce di muzêye. Von Wartburg a adjinçné si nouzome "Franzözische Etimologische Wörtenbuch", co asteure li Bibe des romanisses, ki studeye tos les romans lingaedjes di l' ancyinne Gåle, bodje pa bodje.

| romantche [f.n.] lingaedje dilérece djåzé å mitan del Swisse, lomé e ci lingaedje la "Romantsch Grischung". Les Romantches ont stî les prumîs a mostrer åzès Walons k' on pout rfonde on lingaedje do payis. F. romanche.