Motî:taesson

Èn årtike di Wikipedia.
(Redjiblé di Motî:Taesson)
Sauter à la navigation Sauter à la recherche

Wiktionary-logo.svg

Li mot "taesson" est recråxhî sol Wiccionaire

taesson

I. [o.n.]

1. biesse ås tetes, ki magne did tot, avou des noerès royes so ene blanke cote, ki vike dins les bwès et dmorer dins ene terêye et k' a des blancs et noers poys, e sincieus latén Meles meles. Nos esténs come on taesson dins s' trô, cwand il î dmeure po-z ivierner (L. Mahin). F. blaireau. >> doirmi come on taesson: si dispierter tård. Dj' è respon, k' il åront doirmou come des taessons, tos les tchots, cisse nute la (L. Mahin). Mins to pous bén pinser, a cénk eures å matén, Nannan doirmeut come on taesson (A. Henin). >> pôve taesson ki n' a k' on trô: i fåt todi aveur dipus d' ene rexhowe po vni mwaisse des rujhes del vicåreye. Loukîz a: rinåd, sori. >> Li Taesson: no d' ene plaece di Brinne-Tchestea.

2. (pa rshonnance) djonne di singlé. F. marcassin.

3. (imådjreçmint) foirt londjin ome. F. lourdaud.

4. foirt mannete feme. F. souillon.

5. feme ki vout todi cmander. F. mégère.

Etimolodjeye: gayel "tasgo".

II. Taesson [n.dj.] no d' famile di Walonreye, vinant d' on no sobricot, sicrît e francès Tasson, Tesson.

III. taesson d' Amerike [o.n.] pus grande sôre di taesson, e sincieus latén Taxidea taxus.

Disfondowes: tèsson, tasson, tasson, tachon, tachron, tachô; Gm tachon; miersipepieuzmint el mape A.L.W. 8.14. ey el notule 8.31.

| taesnire [f.n.]

trô d' taesson. F. tanière. >> Li Taesnire, Les Tasnires: no di des plaeces di Djanmioû, Salazene (Spontin) (so plaece: Li tasnêre), Lamortawe, Belfontinne-el-Gåme (so plaece: La tachnière), Tintnî, des Libins, di Frôhan (so plaece: La tachnire), Tchekion (so plaece: Les Tasnières), des Awirs (so plaece: tèsnîre), di Francortchamp (so plaece: tisnîre).

Disfondowes: tèsnîre, tisnîre, tachnîre, tasnêre; Gm Tachnière.

| taessone [f.n.]

mere di taesson. F. blairette.

| taesnea [o.n.]

djonne di taesson.

Etimolodjeye: cawete -ea, 2005.