Motî:adjete

Èn årtike di Wikipedia.
(Redjiblé di Motî:adjetijhe)
Sauter à la navigation Sauter à la recherche

Wiktionary-logo.svg

Li mot "adjete" est recråxhî sol Wiccionaire

adjete [addj., purade padvant]

1. ki va rade et ledjirmint; ki court åjheymint evoye. Tos les escarmoteus sont foirt adjetes (Motî da Forir). Li mårticot, li tchet, c' est des biesses estrinmmint adjetes (Motî da Forir). Tot rnetiant li ståve da Noerete Tot lyi rfijhant s' payaesse si strin Il esteut toplin pus adjete K' i n' l' aveut stî ls ôtes åmaténs (L. Lagauche). Ele sont-st adjetes come des colowes, les åbalowes (N. Maréchal). Tot d' on côp, li rwè-pexheu plonke el claire aiwe; il est foirt adjete; li pexhon s' kitape resseré comifåt e triviè do betch (L. Demarche). Loukîz a : abeye 2, subtil, aflûtiant. F. "agile, subtil, empressé, leste".

2. adroet, k' adierceye åjheymint s' côp. Il est si adjete qu' il acsût çu k' i vout do prumî côp. F. "adroit, habile"..

| adjetmint [adv.] d' ene adjete manire. I potche adjetmint (Motî da Forir). Sol bascule di siervice, ele monte foirt adjetmint (M. David). Loukîz a : adroetmint, abeymint, raddimint, subtilmint. F. "lestement, prestement, habilement, adroitement, agilement, subtilement".

| adjetijhe [f.n.] cwålité do ci, del cene, del biesse k' est adjete. On dit eto subtilité. F. "habileté, adresse, dextérité, agilité, subtilité".

Etimolodjeye et tcherpetaedje[candjî | candjî l' côde wiki]

acmaxhaedje di "adroet" (prononcî "adrèt΄" a Lidje)  [1] avou "adiercî" (prononcî "adjercî" a Lidje). [2]

Sicrijhas ezès motîs[candjî | candjî l' côde wiki]

adjete 
adjète [E21, E212b], adjèt΄ [E1, E34], ajett [E203], ajette [E212], nén dins E213.
adjetmint 
adjètemint adv adv adjètemint [E1, E34]; adjèt'mint [E21].
adjetijhe 
adjètîhe [E212b], ajetixhe [E212]. [3]

Sipårdaedje do mot e 20inme sieke[candjî | candjî l' côde wiki]

Coinrece payis d' Lidje.

Sourdants & pî-notes[candjî | candjî l' côde wiki]

  1. FEW 3. 62b (dexter, droet), (J. Lechanteur).
  2. Motî da Haust.
  3. Loukîz al Djivêye des motîs.