Motî:afîsse

Èn årtike di Wikipedia.
Sauter à la navigation Sauter à la recherche

afîsse

I. afîsse di [divancete] po. Priyans l' Bon Diu afîsse di wangnî ses gråces (Motî da Stasse). Afîsse do cweri a wangnî dpus, i lezî vna e l' idêye d' aler disk' a Nameur po-z î fé do comiece (J. Minet). Pocwè don avént i hertchî des adjeyantès pires des kilometes å lon afîsse di dressî leus menirs et leus dolmens ? (J.P. Dumont). Ni veya-t on nén li Rwè Albert monter dvins ene areyoplane et voler dzeu les pôzucions almandes, afîsse di s' mî rinde conte di çou ki s' passéve ? (L. Tilkin). F. "afin de".

II. afîsse ki [aloyrece] po ki. Dji vs di çoula afîsse ki vos l' sepoxhe (Motî da Forir). Elzî fåt les tchinnes et pindants Les fiers d' årdjint eto les pieles Afîsse k' elle avizexhe pus beles (Viye tchanson di 1620). Ele lyi telefona troes côps afîsse k' i candjaxhe d' idêye (J.P. Dumont). Ces waides et ces praireyes k' on a tant ctapé et distrût nawaire, on î dvreut loukî come li poupå d' nos ouys, afîsse ki nos rdjetons polénxhe profiter di leu beaté (L. Demarche). F. "pour que".


Etimolodjeye[candjî | candjî l' côde wiki]

latén "ad fines" (minme sinse) [1]

Sicrijhas ezès motîs[candjî | candjî l' côde wiki]

afîs´ [E1 a "afin"], åfîs´ [E1 a "afin"], afîse [E170], afîs´ dè [E167], afî-ç' qui [E1 a "afin"], âfiss-ki [E203], ås fîs ç' qui [E1 a "afin"], nén dins E212, E213. [2]

Sipårdaedje do mot e 20inme sieke[candjî | candjî l' côde wiki]

Coinrece payis d' Lidje

Hårdêyes divintrinnes[candjî | candjî l' côde wiki]

Sourdants & pî-notes[candjî | candjî l' côde wiki]

  1. Mins dins l' Motî da Haust : etroclaedje di a + fî (disfondowe måmdiyinne di "fén") + ç'.
  2. Loukîz al Djivêye des motîs.