Motî:agaesse

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "agaesse" est recråxhî sol Wiccionaire

agaesse [f.n] oujhea avou des noerès plomes mins on fén blanc vinte, ki dåre so tot çou k' est lisse et ki rlût, et l' apoirter e s' ni, e sincieus latén Pica pica. Savoz bén cmint k' on ricnoxhe on måye d' agaesse d' ene frumele ? li måye est noer et blanc eyet l' frumele blanke et noere (R. Viroux). F. pie. Loukîz a: crawieuse agaesse et a: Lagaesse. >> tchafiåd(e) come ene agaesse: onk, ene ki berdele voltî. >> s' egueuyî come deus agaesses: criyî onk so l' ôte a grands côps d' linwe. >> pwin d' agaesse: pwin k' a dmoré di s' briket k' on ramoenne el måjhone après djournêye. On dit eto: pwin do live, di coucou. curieus come on djonne d' agaesse: foirt curieus.

Etimolodjeye: vî flamind "agazza" (minme sinse).



Dipus d' racsegnes so les agaesses