Motî:ahiver

Èn årtike di Wikipedia.
(Redjiblé di Motî:ahivaedje)
Sauter à la navigation Sauter à la recherche

Wiktionary-logo.svg

Li mot "ahiver" est recråxhî sol Wiccionaire

ahiver [v.c.]

1.crexhe, planter, cultiver. Il ahivèt del moståde. Il ahivèt des dinrêyes so les tienes. Noyé esteut-st on coûtiveu, on tcherweu; c' est lu k' a-st ahivé li vegne, k' end a rascodou les roejhéns, k' els a stoirdou et les fé carmoujhî po fé do vén (L. Mahin).

2. amonter, mete so pî. C' est lu k' a-st ahivé ci ptite cinse la, tot seu avou s' feme. E 1887, on rmeta eshonne les hamteas tot-z ahivant li comene di Bévurcé. Dins "Å raploû-tot des walons", Lorint Hendschel mostra comint, podbon, on pleut-z ahiver on diccionaire di tot l' walon. C' esteut tins di m' prumî voyaedje e Rwanda, e 1988-89, ki dj' a-st ahivé les pexhreyes di Mwengo (L. Mahin) rl a: enonder, escoursi. F. fonder, construire, édifier.

3.skepyî ene sacwè ki n' egzistéve nén. Dj' ahivans des moxhons sins êyes et des fleurs ki pouwèt l' solea (G. Smal). F. inventer, imaginer, créer.

II. s' ahiver [v.pr.c.]

1. parvini a awè (on bén) pitchote a midjote. A foice di spårgnî, i s' a ahivé ene pitite cinse dinq on viyaedje so Smwès (G. Lucy). F. se construire, se bâtir.

2. [v.pr.s.c.] bén crexhe et divni stocaesse, tot cåzant d' ene plante. Mes celeris n' sont nén co ahivés assez po les polou rpiker. Leyîz les s' ahiver cor ene ûtinne di djoûs divant d' fé vos pairs (A. Lurquin). F. lever, se fortifier.

Disfondowes: ahîver, ayîvè, ayîver, a.îver. Coinrece payis d' Lidje, di Nameur, di Dinant.

Etimolodjeye: bodje tîxhon heffen (lever), betchete a- (fé lver).

| ahivaedje [o.n.] no d' fijhaedje et no di çou k' est fwait (accion et si rzultat) pol viebe "ahiver" u "s' ahiver", inte di zels: a) cultivaedje. On n' tuze nén ki l' ahivaedje di coca, di hachich et d' pavwer fwait viker, al boune, dipus di 50 miyons d' djins, sovint des ptits cultiveus dins les pus pôvès coines des pus pôves payis (L. Mahin). F. culture, plantation. b) bon crexhaedje (d' ene plante). F. bonne pousse, bonne levée, bonne croissance, bon développement. c) cominçmint, demaraedje. C' esteut å moumint d' l' ahivaedje del societé. rl a: kiminçmint, sikepiaedje, enondaedje. F. création, fondation, premiers balbutiements, construction.

| ahiveu, ahiveuse u ahivresse [o.f.n.] li ci(ne) k' ahive ene sacwè. F. cultivateur, planteur, producteur (agricole); créateur, fondateur, constructeur. Kî çk' esteut dins les ahiveus del "Rantoele" ? rl a: askepieu, enondeu.