Motî:araegne

Èn årtike di Wikipedia.
(Redjiblé di Motî:araegnreye)
Sauter à la navigation Sauter à la recherche

Wiktionary-logo.svg

Li mot "araegne" est recråxhî sol Wiccionaire

araegne [f.n.]

1. sôre di biesse a ût pates, ki texhe ene toele po-z apicî des moxhes, et lzès magnî. Sint Houbert n' åreut nén tchessî evoye ene araegne dischindowe so s' fyi padvant ses iys (L. Peeters). Gn a ene tote pitite vete araegne ki court tot do long do tchambranle aviè l' cwén del finiesse (A. Laloux). F. araignée. >> les Araegnes: sipotaedje des djins di Stegne. >> les Tiesses d’ Araegne: sipotaedje des djins d’ Falmagne.

2. haeyåve comere. Dji m' aléve peker dissu cisse viye araegne la (R. Matthieu). F. mégère.

| araegnreye

I. [f.n.] toele d' araegne. Loukîz a: rantoele, arantoele, arincrin. F. toile d'araignée. >> araegnreye di voyes: plaeces la k’ deus otostrådes si croejhlèt. Il estént ddja a Dåssoû, l' araegnreye di voye, avou ses bresses ki vont d' tos les costés (C. Denis). On dit eto: candjisse. F. échangeur.

II. Araegnreye [n.pr.] Daegntoele. Nén dandjî di voyî pa emile des tecses ki sont ddja so l' Araegnreye (J. Schoovaerts). Loukîz a : Rantoele, ruslî. F. Toile Internet.

Etimolodjeye: cawete -reye.

| araegneye [f.n.]

1. araegne. Dj' a veyou ene grosse araegneye sol plantchî. F. araignée.

2. araegnreye. F. toile d'araignée. >> fé les araegneye: elzès shover evoye. F. faire les toiles d'araignée.

| araegnire [f.n.] araegnreye. Les araegnes ont fwait des araegnires, po vos egrawyî sins prevni (L. Somme). F. toile d'araignée.

Etimolodjeye : cawete -ire.


Mot d' aplacaedje :