Motî:asprouver

Èn årtike di Wikipedia.
(Redjiblé di Motî:asprouve)
Sauter à la navigation Sauter à la recherche


Exclamation mark red.png Li rfondaedje di ç' mot ci a candjî sol Wiccionaire, et divni "asprover"

asprouver (codjowaedje [v.c.]

1. sayî (fé s' possibe po). Asprouvez on pô do scrire a l' gåtche mwin. Dj' a tot asprouvé po l' coridjî. Dj' asprouvéve di dner del foice et do coraedje a Clemance les djoûs k' ça n' ndaléve nén trop foirt (M.J. Cheruy). Asteure s' end a sacwants k' ont des kesses a dmander, dj' asprouvrè do responde come dji pôrè (L. Mahin). Cwand on-z est boulome di nive, i n' fåt nén asprouver di rtchåfer ses pîs (R. Arcq). F. essayer, tenter, tâcher, s'efforcer.

2. sayî (po vey si ça va). Asprouver des solés, on tchapea. Ti n' as k' a asprouver e t' måjhon, dabôrd ! (B. Genaux). Dj' asprouve on novea rméde. Asprouvez si l' cafè vs frè do bén. C' est ene nouve marone, mins elle a ddja stî asprouvêye. F. essayer, expérimenter.

3. egadjî (ene djin) po vey si ele covént. Il asprouvèt on novea domestike. F. prendre à l'essai, éprouver.

4. bén aprouver. F. approuver, confirmer.

Etimolodjeye : bodje prouve, dobe betchete as-

| asprouve [f.n.]

1. saye. End a-t i fwait, des asprouves, divant d' ariver. L' asprouve lyi a costé l' veye. F. essai, épreuve, expérience. >> banc d' asprouve: indjén la k' on mete des novelès machines po ls asprouver mete. F. banc d'essai. >> diner, prinde a l' asprouve: diner, prinde ene martchandijhe pol sayî divant d' l' atchter. Dji l' a prindou a l' asprouve. F. à l' essai.. >> asprouve d' imprimreye: prumî imprimaedje, come brouyon.

2. sacwè målåjheye a fé. F. épreuve. >> mete kéconk a l' asprouve: vey s' il est capåbe.

3. rascråwe. Ene asprouve ni ratind nén l' ôte. F. épreuve, malheur, calamité.

| asprouvaedje [o.n.]

1. no d' fijhaedje et no di çou k' est fwait (accion eyet si adierça) pol viebe "asprouver". F. essai, expérimentation, étude.

2. sayaedje d' on mousmint. Elle est evoye disk' a l' tayeuse po l' asprouvaedje di s' robe. F. essayage.

| asprouvete [f.n.]

1. longou stroet bocå, k' on s' endè sieve dins les labos. Li tchimisse a dandjî d' asprouvètes. F. éprouvette, tube à essai.

2. saye po djonde (emantchî) ene sakî. Oyi, il a pinsé m' aveur, c' est ene asprouvete k' il a la fwait. F. tentative malicieuse.