Motî:astantche

Èn årtike di Wikipedia.
(Redjiblé di Motî:astantchêye)
Sauter à la navigation Sauter à la recherche

Wiktionary-logo.svg

Li mot "astantche" est recråxhî sol Wiccionaire

bastixhaedje d' ene astantche
Astantche dissu on rixhot

astantche [f.n.]

1. meur di tere u d' cimint, grand u ptit, metou po ratni ene aiwe. Les efants s' amuzèt a fé des astantches. S' i n' årént nén yeu fwait ene astantche avou des saetchs di såvlon, tote li Basse Libin esteut neyeye. C' est dins l'astantche des vivîs k' on met l' glindisse po mintni l' livea d' aiwe dins l' vevî; li bî eteur l' astantche et l' rixhea si lome li bî d' glindisse. (L. Baijot). F. barrage, digue. rl a: bate.

2. aiwe ratnowe padrî ci meur la. Li poujhoe, c' est ene pitite eståcion d' pompaedje, k' apice l' aiwe di l' astantche, et l' evoyî eviè on tchestea d' aiwe, metou sol cresse (L. Mahin). >> mete les biesses a l' astantche: aler moenner les vatches s' abuvrer å ri.

3. boird d' ene aiwe. Coûtchî so m' vinte, dji dfoyteye les fleurs di l' astandje (M. Hicter). F. berge.

astantchêye enaiwêye lanawaire (riwaitîz les palmîs å fond a droete)

| astantchêye [f.n.] basse d' aiwe ratnowe pa ene astantche. L' astantchêye di Piridovoy est bråmint pus ptite ki li cene di Rossachanca (L. Mahin). F. lac de retenue.

| astantchea [o.n.] (mot d' edjenieur) pitite astantche, di céncwante a cint meye mete cubes. Les astantcheas siervèt eto a espaitchî les brôs di vni ebôjler les grands båraedjes. F. barrage collinaire.

Etimolodjeye: bodje "astantche", cawete -ea, 2001.

| astantchlêye [f.n.] aiwe k' i gn a dins èn astantchea. F. lac collinaire.


Parintêye :