Motî:ataker

Èn årtike di Wikipedia.
(Redjiblé di Motî:atacresse)
Sauter à la navigation Sauter à la recherche

Wiktionary-logo.svg

Li mot "ataker" est recråxhî sol Wiccionaire

ataker (codjowaedje) [v.c.] 1. comincî. On-z atake a-z abate al hepe d' on costé, pu on s' adjnole, et rceper d' l' ôte costé (ramexhné pa Jules Boulard). Nos raetchans dins nos mwins, nos atakans a schoupyî (W. Bal). C' est tos mots k' atacnut avou ene voyale. On dit eto: apougnî. rl a: rataker. F. commencer. >> po-z ataker: tite metou dizeu l' adrovaedje d' on live, l' editoriå d' ene rivuwe, metans: Djåzans walon. F. éditorial. 2. aler po bate ene sakî, vini boerler sor lu, vini fé do må. Dji m' a fwait ataker dins on tram paski dji lijheu les "Fleurs du mal" då Tchåle Baudelaire (L. Hendschel). On dit eto: hushtiner. F. attaquer. 3. fé des mouvmints po bate les ôtes, dins on spôrt. 4. rascråwer on boket do coir, tot djåzant d' on må. Li ptizeye, c' est ene maladeye k' atake les peumons.

| atacaedje [o.n.] 1. no d' fijhaedje et no di çou k' est fwait (accion eyet si adierça) pol viebe "ataker". 2. (pus stroetmint) adrovaedje (d' on live).

| atake [f.n.] 1. atacaedje po fé do må. 2. comince. On sait ddja bén cwè a l' atake do live.

| atakeu, atakeuse u atacresse [o.f.n. & addj.] li ci (cene) k' atake les ôtes.

| atacant, atacante [o.f.n. & addj.] 1. k' atake. 2. (mot di spôrt) li ci (cene) k' est metou (owe) a l' avant, dins ene ekipe di fotbal, volè, evnd. On dit eto: dvantrin.