Motî:bistoke

Èn årtike di Wikipedia.
(Redjiblé di Motî:bistoker)
Sauter à la navigation Sauter à la recherche

Wiktionary-logo.svg

Li mot "bistoke" est recråxhî sol Wiccionaire

bistoke [f.n.] sacwè k' on dene a ene sakî k' on voet voltî, u k' on-z a dandjî d' lu. Sondjans bén ki ci n' est nén ni l' djoû, ni l' pris, ni l' groxheur ki conte cwand on fwait u k' on rçput ene bistoke, mins l' intancion eyet l' djesse (D. Vanderstoken). F. cadeau, présent. >> bistoke et rastoke !: mot-criya po dire "albouneure, proficiåte". F. compliment ! félicitations !

Disfondowes: bistoke, bustoke.

| bistoker [v.c.]

1. saetchî des côps d' fizik e l' air po fiester ene sakî, ene sacwè. Prind t' carabene; dj' irans bistoker les maryîs.

2. fiesti (ene sakî). F. fêter. Dofe Sax, vî Copere dins les fiesses K' on fwait po vos cint-z ans d' viyesse I gn årè nén bén seur ene vwès Po vs bistoker dins vosse patwès (Vier-Goyet). Insi, dji sereu muzulman, dji m' ritrovréve å Paradis å mitan d' co djonnetes, Ava Gardner, Bete Davis udonbén Birdjite Bardo a m' bén leyî sognî et m' fé bistoker d' amishtåvisté (J. Schoovaerts). Dji so bén binåjhe di vs rivey, vî cadet; et po vos bistoker, nos alans fé-st on clapant djama eshonne (J.P. Dumont). rl a: rabistoker. >> Dji vos bistoke, Dji vos rastoke, Tinoz vos bén, Vos n' tchairoz nén: dijhêye cwand k' on bistoke ene djin. rl a: rastoker.

3. ofri ene bistoke. F. offrir un cadeau.

| bistocaedje [o.n.]

1. no d' fijhaedje et no di çou k' est fwait (accion eyet si rzultat) pol viebe "bistoker". F. festivité, célébration.

2. dinaedje d' on pris a ene sakî. Come bistocaedje, citans li Pris des meyeusès paroles å Grand Pris del Tchanson Walone 1989 (vicåreye da A. Gauditiaubois). F. gratification, prix, récompense.