Motî:blawete

Èn årtike di Wikipedia.
(Redjiblé di Motî:blawtante)
Sauter à la navigation Sauter à la recherche

Wiktionary-logo.svg

Li mot "blawete" est recråxhî sol Wiccionaire

blawete [f.n.] 1. sipite di feu. rl a: esblawi. F. étincelle. 2. sôre di ranonke ås ptitès djaenès fleurs, ki crexhe aprume come ene rampe, pu si rastampe, 20 a 40 cm hôt. On dit eto: flaminete, linwe di tchet. | blawter [v.s.c.] rilure come ene blawete. On pout vey, totavå, des kiyieles di ptitès loumires di totes les coleurs ki blawtèt ås finiesses (P.H. Thomsin). Ses ouys blawtèt come des gayetes. C' est l' vraiy matoufè ki m' fijheut dedja blawter les îs, c' est l' matoufè, li bone viye ricete d' amon nozôtes (G. Cabay). S' i vneut pår l' erdiè, Fé blawter ses rdjets, Ses royes ! (A. Xhignesse) I gn a des meyes di stoeles ki blawtèt e stoelî (J. Lahaye). rl a: riglati, siclati, risclati, rilure. F. étinceler. | blawtant, e [addj.] ki blawtêye. rl a: riglatixhant. F. étincelant(e).

Blawete.jpg

Essegne di "Blawète Records", ene pitite måjhone di plakes lidjwesse, askepieye diviè ls anêyes 1990.

--- Dipus d' racsegnes sol blawete (li fleur)