Motî:catruceme

Èn årtike di Wikipedia.
(Redjiblé di Motî:catrucimî)
Sauter à la navigation Sauter à la recherche

Wiktionary-logo.svg

Li mot "catruceme" est recråxhî sol Wiccionaire

Pitit catruceme e francès k' on-z aprindeut el Walonreye e 1788.

catruceme [o.n.]

1. pitit live la k' on-z a metou les soûmints (les prumîs acsegnmints) del rilidjon catolike, et k' les påkîs et påcresses a vni divèt aprinde par keur. Croeyeuss ki, so ç' tins la, Vs alîz djåzer do tins Reciter l' catruceme ? (L. Mahin). F. catéchisme.

2. sicolaedje di ci ptit live la, et des ôtes priyires, po-z aprester les efants a fé leus påkes. Nos avans stî å catruceme, et fé nos påkes eshonne (Motî da Gilliard). Et on s' rapinse çou k' on-z a-st apris å catruceme cwand c' est k' on esteut ptit (J.P. Dumont). F. catéchisme. >> fé l' catruceme: aprinde li catruceme a des efants, tot djåzant d' on curé u d' on layik. Asteure, ci n' est pus des curés ki fwaiynut l' catruceme; c' est des djins k' ont stî scolés pol fé (Motî da Gilliard). >> aler å catruceme: aler ås seyances di catruceme. >> pitit catruceme: catruceme divant d' fé ses påkes. F. catéchisme préparatoire à la communion solennelle. >> grand catruceme: catruceme après les påkes, divant l' confirmåcion. F. catéchisme de persévérance. [1] >> conoxhe si catruceme: esse sûti. F. futé, malicieux. >> i n' t' a nén falou lontins po rovyî t' catruceme: dijhêye a onk (ene) ki n' as pupont d' respet. F. tu as oublié la politesse. >> dji lyi va aprinde si catruceme: dji lyi va fote ene dobleure (dji va bouxhî sor lu, leye). F. je vais lui montrer de quel bois je me chauffe.

| catrucimî catrucimresse 1 [o.f.n.]

1. onk, ene k' aprind l' catruceme, po esse batijhî. F. catéchumène.

2. efant ki va å catruceme.





Sourdants[candjî | candjî l' côde wiki]

  1. Motî da Léonard p. 608.