Motî:cawe

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "cawe" est recråxhî sol Wiccionaire

cawe [f.n.]

1. organe ki s' fwait sol coron del schene des biesses ås tetes, crålantès biesses, sacwantès glumiantès biesses eyet les pexhons. F. queue. >> li cawe di nosse tchet a bén vnou.

2. mantche (d' ene usteye). Loukîz a téncawe. F. queue, manche. >> Cawe del Paile: no d' ene plaece di Mouhagne.

3. (måhonteus) . On dit eto: boulome, vedje, kekete, kete. F. queue, vit, pénis.

4. coron. F. extrémité, fin. >> Cawe d' ene walêye: dierinnès gotes d' ene walêye, sovint pus grosses, mins ki s' djokèt bénrade. >> Cawe do bwès: no di sacwantès plaeces del Walonreye.

5. houbonde. Ratindoz ene cawe. (J. Coppens). On dit eto : ene miete. F. moment.

| cawea [o.n.]

1. (v.v.m) pailon di croufier, wice k' on emantchive ene cawe di bwès, po n' si nén broûler. fé rosti des cretons e cawea (Motî da Haust).

2. persounaedje avou on fås-vizaedje do cwarmea d' Vervî, ki shuvèt, e cawêye, les djins. >> cawea lamea !: criyaedje des efants cwand les "Caweas" arivèt å cwarmea d' Vervî.

| cawet [o.n.]

1. (v.v.m) li diåle (li ci k' a-st ene cawe). « Dji n’ sai pus asteure comint k’ ça s’ escrit, “Cahuet” avou h, ou “Caouay” avou a-o-u, ou co... ». Melaneye respond: «Cawet ou Cawea, c’ est todi l’ minme diåle! (GS & NS, Gabriyel eyet Gabriyel)

2. arnåjhe efant ki fwait tofer des biestreyes et s' kidure come on diåle.

3. cawea (pailon avou ene cawe).

| cawtêye [f.n.] li contnou d' on cawet (pailon).

| cawon [o.n.]

1. pitite cawe.

2. burton (çou ki dmeure d' on mimbe amputé).

| cawêye [f.n.]

1. shûte di djins, di biesses, di sacwès, ene pa drî l' ôte. F. queue.

2. (mot d' éndjolisse) bouyes a fé (pa on programe). F. queue.

3. (mot d' houyeu) forcoûtche. F. queuwée.

4. pitite cwantité, ene miete. Ene cawêye di boure, di frumint.

| caweye [f.n.] les deus foxhales di tchaeke costé del cawe del vatche et des toreas.

Li cawire, avou l' ridoblaedje ki l' cawe passe divins (fletches) (portrait saetchî pa L. Mahin)

| cawire [f.n.]

1. pîce do haernixhmint do tchvå: longue cingue di cur, ki s' ridobele padrî, ki court sol schene do dos, atelêye å gorea pa dvant, et après l' cawe do tchvå padrî. C' est l' cawire ki tént eshonne totes les pîces do harnitchmint. F. coupière.

2. mantche do violon, violoncele, evnd.

| cawiron [o.n.] blouke al fén del cawire, wice k' on passe li cawe divins.

| cawisse [o.n.] fouyaedje (des plantes a crompires, evnd).

| cawri [o.n.] boket del tchå do boû, li cou, li bas del screne, eyet li hôt des pates di drî. F. culotte de bœuf.


Parintêye :

Mots d' aplacaedje: