Motî:clotche

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "clotche" est recråxhî sol Wiccionaire

clotche a Tchevtogne, avou l' marke di fabrike di Telin

clotche u cloke [f.n.]

1. grosse masse di bronze, come on rtourné hena, avou ene båre di fier å mitan (li bata), k' on pind et l' fé hossî por leye souner. Gn a l' tiesse ki bate li berloke On-z a l' cour tot tronnant Cwand on-z etind l' grosse clotche Do vî clotchî d' Sint-Djan (L. Loiseau). Vo t' la-st e purete å solea; Ôss les clotches ki sounèt-st a vepes ? (L. Warnant). Li maca del clotche tape pol dierin côp: gn a pont d' schape (H. Lerutte). F. cloche. >> Si les clotches di Sint-Houbert sounrént, t' î dmorreus; u: si l' grosse clotche sounreut, vos î dmorrîz; u: >> si les clokes di Rome vegnnut a souner, vos î dmorroz: dijhêye a èn efant ki fwait des xhinêyes. >> Li ci ki n' ôt k' on son n' ôt k' ene clotche: i fåt todi schoûter totes les pårteyes. F. écouter plusieurs sons de cloche. >> on n' såreut souner les clotches et co tni l' tchandele: on s' såreut fé deus sacwès a côp. On dit eto "souner a messe ey esse al porcession". F. au four et au moulin. >> leye sigoter° les clotches.

2. grosse bole k' on s' mete so s' tiesse po ndaler " fond d' l' aiwe, po n' nén respirer les polens, evnd. Avou ene clotche a plonker, on s' pormoenne e fond d' l' aiwe et l' plonkeu vnant å djoû, ni pinsez nén k' i s' saiwe. Il est setch come li poure (J. Kinable). F. cloche, scaphandre.

Etimolodjeye: gayel "cloka" (minme sinse).

| clotchî u clokî [o.n.] boket d' ene eglijhe la k' i gn a les clotches, metou ki ponte e l' air. Dins nos viyaedjes, i dmore des eglijhes et leus clotchîs crombyîs, mins pupont d' mayeurs (D. Heymans). Veyoz Couyet avou s' crawieus clotchî (J. Bertrand). Loukîz a befrwè. F. clocher. >> crawieus come el clotchî d' Couyet: foirt crawieus, come li clotchî d' Couyet, tot s' rapinsant l' tchanson "Lolote". On tchén dogue, c' est on tchén k' les Inglès ont emantchî avou des pates pus crawieuses kel clotchî d' Couyet (J.L. Fauconnier).

Etimolodjeye : cawete -î

| clotchreye u clocreye [f.n.] oujhene k' on-z î fond les clotches. Gn a yeu lonmint ene clotchreye a Telin.

Etimolodjeye : cawete -reye, 2000.


Ôte parintêye :

Mots d' aplacaedje :