Motî:cwår

Èn årtike di Wikipedia.
(Redjiblé di Motî:cwårs)
Sauter à la navigation Sauter à la recherche

Wiktionary-logo.svg

Li mot "cwår" est recråxhî sol Wiccionaire

cwår

1. [o.n.] (v.m.) ancyinne manoye, valant li cwårt d' on patår. >> ele våt di pus d' cwårs ki d' patårs: dijhêye po ene feme ki n' våt nén grand-tchoi.

Wiktionary-logo.svg

Li mot "cwårs" est recråxhî sol Wiccionaire

2. des cwårs [o.n.t.pl.] del manoye, del ritchesse. F. de l'argent, du fric. >> aveur des cwårs (plin les potches): esse ritche. >> fé voler (u: fé danser, u: fé valser) les cwårs: coschirer (furlander) ses ritchesses. >> aråvler les cwårs: a) ramasser beacôp des liårds et ndè waire dispinser. Ci n' est nén todi l' ci k' aråvele les cwårs k' est l' pus awureus. b) wangnî des liårds d' ene façon nén trop catolike. Ci n' est nén wangnî des cwårs k' i fwait, c' est ls aråvler. >> aveur må ses cwårs, si fé må d' ses cwårs: diner des cwårs u payî målåjheymint. >> il est tchén d' ses cwårs u: on n' voet nén sovint l' coleur di ses cwårs: il est pice-crosse. F. avare. >> èn viker k' po les cwårs: tot fé po-z aveur bråmint des sôs. >> n' aveur ni cwårs ni patårs: esse foirt pôve; esse sins sôs. >> Cwand on va å martchî trop tård, on n' a pus rén po ses cwårs: dijhêye po les cis k' arivèt trop tård ene sadjus. rl a: vierlete. >> Dire k' i n' a k' a moyî s' doet po-z aveur ene feme di cwårs: i pout maryî ene ritche kimere, mins i n' vout nén (pask' elle est laide, u haeyåve). >> schôpe do cou, sene di cwårs: dijhêye a ene sakî k' a schôpe a s' dirî, u response d' onk (ene) k' s' schôpeye si drî å ci (al cene) ki lyi rprotche. >> conte tes cwårs, après t' contrès tes råjhons: dijhêye a ene sakî ki vout aler e tribunå: minme s' il a des bounès råjhons, i doet saveur ki ça lyi costeyrè tchir. >> Gn a nén on tchén ki tcheye ses cwårs: les cwårs ni vnèt nén tot seus, i fåt bouter po lzès wangnî. >> pont d' cwårs, pont d' Swisse: dijhêye do tins ki les Swisses si lowént come sôdårds. rl a: liårds, sôs, çanses, sikelins, picayons, petsales, patacons, aidants, patår, florin, franc, cinteme, dinî, årdjint.

Disfondowes: caurs, cwaurs.

Etimolodjeye: pîce d' on cwårt di patår. coinrece Payis d' Nameur, Roman Payis.

| cwårlî, cwårelresse [o.f.n.] li ci (cene) ki tént l' boûsse dins ene soce. rl a: caissî. F. trésorier.

Etimolodjeye: bodje cwår, cawete -î, ristitchî L, pa rshonnance avou "tchårlî", eyet "çansler", 1985.


Parintêye: