Motî:djéryî

Èn årtike di Wikipedia.
(Redjiblé di Motî:djériant)
Sauter à la navigation Sauter à la recherche


Exclamation mark red.png Li rfondaedje di ç' mot ci a candjî sol Wiccionaire, et divni "djeryî"

djéryî (codjowaedje)

I. djéryî so, djéryî après [v.n.d.c.]

1. volou awè ene sacwè k' on n' årè dandjureus nén (sins rén dire, mins tot l' mostrant). Mi, dji djéryive après des candôzreyes (P. Schruse). I djéreye so tot. Ene vatche tinowe a djune (sins poleur magnî), ele djéreye sol magnî des ôtes; ele lance après (ramexhné pa J.J. Gaziaux). Paski des omes k' i gn a, les cis ki schoûtèt leu feme, et lzî dner totes les miscotreyes k' ele vlèt, do côp k' ele djérièt après, ces omes la, di dju, i dvèt esse contés avou les femes (L. Mahin). F. désirer, convoiter, avoir une envie folle de, baver d'envie de, brûler du désir de, être en manque de.

2. (pus stroetmint) voleur awè èn amagnî, tot cåzant d' ene feme ki ratind. Dji djéreye après do boyon d' poye (ramexhné pa M. Francard). Les femes ecintes djérièt co sovint so ene sôre u l' ôte: i n' les fåt nén fé pîler après. Mi stoumak djéreye après on herin (J. Wisimus).

3. ratinde après åk ki n' vout nén vni. C' est nén tofer åjhey Cwand fåt fé ene tchanson; Li tchansonî djéreye après l' espiråcion (J. Lefebvre & V. Roba). >> djéryî après l' moirt: sofri témint k' on dmande a mori. Franwal: ahåyant po: "attendre que la mort vienne vous délivrer".

4. djéryî po: awè håsse et fé tot po. Ele djéreye po-z aler å bal, et elle a pîlé tote li djournêye po k' dji l' î mine (J. Wisimus). Franwal: "faire des pieds et des mains pour que".

II. [v.s.c.]

1. awè håsse d' on n' sait d' cwè (a magnî), sins magnî did rén. Vola lontins ki ça n' m' a pus gosté come ça; al måjhon, dji djéreye todi, et i gn a rén ki m' agresse (R. Dedoyard). rl a: rinaker, nareus.

2. magnî u voleur magnî des sacwès d' drole, metans des pires, do plastik, tot cåzant d' ene vatche. F. avoir un appétit dépravé, présenter du pica.

3. awè håsse (d' èn amagnî). On sint k' les djins sont mwais; pocwè promete et n' nén dner ? est çu po fé djéryî nos efants ? (P. Moureau). F. avoir des envies. >> djéryî dvant les werenes: riwaitî les belès werenes des botikes, sins rén poleur rén atchter. Franwal: ahåyant po: "faire du lèche-vitrines".

4. awè håsse d' emocions amoreuses. Li cir esteut blanc, presse a s' enonder; mi djonne cour djéryive, vef di tote hantreye (A. Ramez). F. se languir.

5. èn nén saveur s' i va tourner a plouve, tot djåzant do tins. Li tins djéreye: il est po ploure, mins ça n' sait vni (après ene termene di setchresse). On dit eto: li tins halkene. Franwal: ahåyant po: "temps instable".

Disfondowes: djéryî, djérî, djérî, djêrier, djinrier, djéri (4inme troke: nos djérixhans).

Etimolodjeye: latén "desiderare" (minme sinse), flamind "geer" (minme sinse), tixhon "gären" = travayî l' påsse.

| djére [f.n.] håsse di magnî des droles di cayets. F. pica.

| djériaedje [o.n.] no d' fijhaedje et no di çou k' est fwait (accion et si rzultat) pol viebe "djéryî", copurade:

1. håsse d' awè ene sacwè k' on n' pout awè. F. désir immodéré.

2. håsse di magnî des droles d' amagnîs. F. appétit dépravé, pica.

| djérieus, djérieuse [addj. & o.f.n.] djériveus(e).

| djériåd, djériåde [o.f.n. & addj.] djériveus(e), copurade: onk, ene ki vout toltins a magnî. F. gourmand. On dit eto: bedivåd, péyåd. >> djériåd cwate panses: golafe. F. glouton, goinfre.

Disfondowes: djériaud, e, djériâd, djéraud.

| djériant, djériante [addj.] ki n' sait cwè, tot cåzant do tins Va-t i ploure, al fén - Dji n' sé nén; i fwait djériant, todi.

Disfondowes: djériant, djérihant, djérichant.


Parintêye: