Motî:djalofrene

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "djalofrene" est recråxhî sol Wiccionaire

djalofrene

I. [f.n.]

1. sôre di bele fleur k' end a bén 300 sôres, e sincieus latén "Dianthus spp.". I m’ a-st apoirté des cadjolêyès djalofrenes. Il est si bea li ptit djårdén tot csemé d' rôzes et djalofrenes (L. Lagauche). Li ptite pî-sinte ki n' moenne nole pårt Boirdêye di sayous, d' djalofrenes (J. Flesch). Li rôze tind a l' ouy les djalofrenes, les mastouches et les piyônes (C. Massaux). Loukîz a : bouket-tot-fwait, amlet, djilofrêye, clawson. F. œillet. >> revintreye ås djalofrenes: revintreye k’ gn a yeu e Portugal e 1974.

2. (pus stroetmint)

a) ene sôre corante dins les cortis, e sincieus latén "Dianthus caryophyllus.". F. œillet des jardins. a) ene ôte sôre, e sincieus latén "Dianthus barbatus" F. œillet des poètes.

3. (pa rshonnance) ôte fleur, e sincieus latén " Cheiranthu cheiri.". F. giroflée.

4. (tot djåzant å rvier) sitron. F. merde.

II. Djalofrene [n.pr.] no d' ene cafloreye vatche.

| djalofrinî [o.n.] plante di djalofrene.

Tcherpetaedje : [candjmint d' voyale]], et cawete -î

| djalofrinacêye [f.n.] plante del famile des djalofrenes. F. caryophyllacée.

Tcherpetaedje : : sincieuse cawete -acêye, 2007.