Motî:ecråxhî

Èn årtike di Wikipedia.
(Redjiblé di Motî:ecråxheuse)
Sauter à la navigation Sauter à la recherche

ecråxhî (codjowaedje)

I. [v.c.]

1. mete del cråxhe, di l’ ôle so ene sacwè ki toûne. Cwand les rowes, dins nosse tiesse, ni tournént pus foirt bén, On mawyive des fayenes po-z ecråxhî l' molén (L. Piron). F. graisser, lubrifier. >> ecråxhî l’ pate d’ ene sakî: lyi dner des cwårs po-z aveur ene faveur di leye. Loukîz a : abriber, sitoker. F. graisser la patte.

2. ansiner on tchamp. F. fertiliser.

II. s’ ecråxhî [v.pr.] divni crås, groxhi. Li sori, sins ahote tot do long del djournêye Magnive do crås froumadje, do souke, do lård, do pan Et la, nosse pitite biesse vikéve tot s' ecråxhant. Loukîz a : profiter. F. s’engraisser. >> s' ecråxhî les doets: divni ritche tot prindant des cwårs k' on n' î a nén droet. F. se graisser la patte. >> s' ecråxhî do saeyén d' ene sakî: viker a ses crotchets. Les årtisses ki s' ecråxhént di s' saeyén schoûtént les idêyes k' il aveut l' agrè d' consyî (Florian rat. pa F. Nyns). F. vivre au crochet de.

| ecråxhe [f.n.] sacwè k’ on mete so ene tere , ki våt d’ l’ ansene. Di l' ansene, des ecråxhes, tot çou k' vos vloz, li cinsî end aveut metou sins cawyî (C. Bentz). F. engrais. >> a tote ecråxhe: di tote ses foices: Les schoters si bôret, si cbôrèt po waitî d' aveur ene plaece Rén k' pol seul plaijhi D' vos fote yene conte di l' ôte, sins rlåtche, a tote ecråxhe (H. Pétrez). F. massivement.

| ecråxhaedje [o.n.] no d' fijhaedje et no di çou k' est fwait (accion eyet si adierça) pol viebe « ecråxhî ». F. engraissement, huilage, graissage, lubrification, fertilisation, corruption, versement de pot-de-vin.

| ecråxheu, ecråxheuse u ecråxhresse [o.f.n.] li ci (cene) k’ ecråxhe des biesses. F. engraisseur.