Motî:emiler

Èn årtike di Wikipedia.
(Redjiblé di Motî:emilreye)
Sauter à la navigation Sauter à la recherche

emiler (codjowaedje) [v.c.] evoyî (ene sacwè pa emile). Dji vôreu bén k' on m' avoyaxhe les Ranteule gazetes pal posse, u m' les emiler (L. Mahin). F. envoyer un courrier électronique. Loukîz a : remiler. >> Si on n' si voet pus, on s' emilrè: dijhêye el fén d' èn emile, ki rséndje li dijhêye classike "Si on n' si voet pus, on si scrirè", k' on dit cwand on va cwiter ene sakî.

| emilaedje [o.n.] no d' fijhaedje et no di çou k' est fwait (accion eyet si rzultat) pol viebe "emiler". "remiler", la on bea mot, wai, po les ratournaedjes e walon des programes d' emilaedje. Li djåspinreye "Viker" est publike; èn emilaedje est privé (P. Sarachaga). Lucyin mi dmande di vs dire ki si adjondaedje Etrernete ni va pus waire; i n' vos såreut ddja rtriper so les dierins messaedjes di nôvimbe, et il årè dandjureus målåjhey di shure vos emilaedjes, did cial å bontins (L. Baijot). Vos dvrîz rmete li fråze do tite e coir do messaedje eto, ôtmint c' est pa côps målåjhey a coprinde å prumî côp, ca tos les programes d' emilaedjes ni mostrèt nén li coir et l' sudjet e minme tins (P. Sarachaga). F. (envoi d'un) courriel.

| emilreye [f.n.] sistinme d' emilaedje. Dj' a ene astoke tecnike: mi emilreye ni m' mete pu les ">" po cwand dji respond a èn ôte emile; kimint fåt i fé po raveur cisse fonccion la ? (L. Mahin).