Motî:etourpiner

Èn årtike di Wikipedia.
(Redjiblé di Motî:etourpineu)
Sauter à la navigation Sauter à la recherche

etourpiner (codjowaedje)

I. [v.c.]

1. erôler (ene coide åtoû d' ene tourpene). Etourpiner ene tchariguete avou ene coide. F. "entourer, enrouler".

2. ecramyî (on fi). Dj' a-st etourpiné l' fi d' årca dins les pikets (Motî do Coûtchant walon). Li gade aveut etourpiné l' tchinne åtoû des pikets (Motî da Gilliard). F. "enrouler, emmêler".

3. atourner (ene sakî), lyi fé acroere ene sacwè. Il etourpene si matante po-z awè ene dringuele (Motî da Gilliard). I fåt sayî d' etourpiner si pa po k' i påle (C. Tombeur). A pus ki docteur n' åreut yeu stitchî ça e s' tiesse di Mayane po l' etourpiner ? (C. Denis). Et dire k idji m' aveu leyî etourpiner pa tos ses contes emacralants! (L. Hendschel]]). Ci ome la -Dofe Hitler- aveut l' manire po tourner s' plaide po vos etourpiner et vos efouwer (W. Bal). F. "convaincre, persuader, amadouer".

4. emantchî. Il a tos les plans po vos etourpiner. N' estoz nén honteus, vos, on curé, s' ecanayî avou ces måbelairs la po-z etourpiner on vî ome ki n' fwait d' må a- nolu (C. Tombeur). I m' a-st etourpiné po m' vinde on fayé tchvå (Motî del Lovire). On dit eto: ecanayî. F. "duper, embobiner, embobeliner, escroquer".

5. andoûler et fé rexhe do droet tchmin. C' est on tchapon ! il a vnou etourpiné m' feme dins m' måjhon (Motî do Coûtchant walon). Ele s' a lèyî etourpiner pa on djonne vårén (Motî d' Cînè). Elle årè etourpiné l' fi après l' pa (Motî da Gilliard). F. "enjôler, séduire, débaucher, dépraver".

II. s' etourpiner [v.pr.]

1. s' erôler. Dji m' -st etourpiné dvins ene coviete (Motî del Lovire). F. "s' enrouler".

2. s' ecramyî. Dji m' aveu etourpiné dins mes filets (Motî do Coûtchant walon). F. "s'enmêler, s'enchevêtrer".

| etourpinaedje [o.n.] no d' fijhaedje et no di çou k' est fwait (accion eyet si adierça) pol viebe "etourpiner". F. "enroulement, enchevêtrement, séduction, ensorcellement, escroquerie, duperie, tromperie".

| etourpineu, etourpineuse u etourpinresse [o.f.n.] li ci (cene) k' end etourpene èn (ene) ôte. F. "enjôleur, aguicheur, ensorceleur".


Etimolodjeye et tcherpetaedje[candjî | candjî l' côde wiki]

viebe fwait sol mot "tourpene" avou l' betchete e-, fé tourner a tourpene.

Sicrijhas ezès motîs[candjî | candjî l' côde wiki]

etourpiner 
etoûrpiner [O0, C106], atoûrpiner [O0, O2], atourpinè [C1, C13, C100], intoûrpiner [O0, O4].
etourpinaedje 
ètoûrpinadje [C106]
etourpineu 
ètoûrpineû [C106]. [1]

Sipårdaedje do mot e 20inme sieke[candjî | candjî l' côde wiki]

Coinrece Coûtchant walon et walon do Mitan.

Sourdants & pî-notes[candjî | candjî l' côde wiki]

  1. Loukîz al Djivêye des motîs.