Motî:få 1

Èn årtike di Wikipedia.
Sauter à la navigation Sauter à la recherche
Ene få avou on fåmint d' fier

få 1 [1] [f.n.] usteye po fåtchî, avou on long mantche avou des pougneyes et ene lame. Il aveut piké avou l' få dins ene bounete et s' aveut fwait piker pås wesses (A. Masson). Metoz on cougne al få (Motî d' Bastogne). F. "faux". >> basse få; ou : >> få d' pré; ou : >> få d' four; ou : >> få d' brouwires: ou : >> basse få: sôre di fås tote simpe, avou ene coûte lame, et on mantche sins pougneyes. On dit eto yerbî. F. "faux simple". [2] >> djonne di få: clipe. On dit eto : ritoû d' rin. F. "lumbago".

| fåmint [o.n.] mantche del få.

| fåcoe [o.n.] mantche del få.

Etimolodjeye et tcherpetaedje[candjî | candjî l' côde wiki]

latén "falx, falcis" (minme sinse). [3]
fåmint
cawete -mint (acawêye a on no).
fåcoe 
sititchete -k-, cawete -oe[4]

Omonimeye[candjî | candjî l' côde wiki]

Pådje d’ omonimeye di « få »

Disfondowes[candjî | candjî l' côde wiki]

fau, fâ; Pc fôke; miersipepieuzmint el mape A.L.W. 9. 47 ey el notule 9. 149.
fåmint
faumint, fâmint. [5]
fåmint
faucwè, faukè. [6]

Hårdêye divintrinne[candjî | candjî l' côde wiki]

Sourdants & pî-notes[candjî | candjî l' côde wiki]

  1. Pont d' halcrosse cossoune å coron, dispu l' motî da Haust, dandjreus po fé graficmint li diferince avou "fås"; eto paski ki S etimolodjike ni rispite nén dins l' parintaedje.
  2. Loukîz a l' ALW 9 p. 330.
  3. FEW 3. 404.
  4. Rascove les disfondowes "fôkè" et "fôcwè" (ALW 9 p. 334 & Inketes da Bruneau so les patwès d' Årdene p. 958.
  5. Loukîz a l' ALW 9 p. 330.
  6. Loukîz a l' ALW 9 p. 334.