Motî:forcrexhe

Èn årtike di Wikipedia.
(Redjiblé di Motî:forcrexhances)
Sauter à la navigation Sauter à la recherche

Wiktionary-logo.svg

Li mot "forcrexhe" est recråxhî sol Wiccionaire

forcrexhe

I. [v.s.c.]

1. crexhe trop rade. Èn efant k' a forcrexhou. rl a: crexhinne.

2. crexhe a des plaeces k' i n' fåreut nén. >> forcrexhe a djouxhire°.

II. [v.c.]

1. rinde (on mousmint) trop stroet, trop court, foisk' on crexhe trop rade. D' ene foite båshele, al crexhinne, on dit: ele forcrexhe do côp ses mousmints, i ndè fåt ratchter tos les troes moes. I met co bén cisse forcrexhowe marone la ! F. rendre (des vêtements) trop petits.

2. crexhe pus rade ki. Ci biesse la forcrexhe totes les ôtes (ramexhné pa M. Francard).

3. rinde aviyî (ene liwè, èn uzaedje), tot cåzant do tins ki passe. C' est totès viyès uzances ki l' tins a forcrexhou (ramexhné pa J. Haust). F. démoder, rendre obsolète, suranné.

Etimolodjeye: bodje crexhe et bechete for- (crexhe dipus k' i n' fåreut).

| forcrexhou, forcrexhowe [addj. & o.f.n.] ki a crexhou trop rade. On grand frocrexhou.

| forcrexhaedje [o.n.] crexhaedje trop rade.

| forcrexheure [o.n.] boket d' ene plante, d' ene biesse k' a crexhou wice k' i n' diveut nén. F. excroissance.

| forcrexhince [f.n.] termene di foirt crexhaedje (d' ene sôcieté, d' on cours di boûsse, evnd). Ene focrexhince des wangnes come on nd a cnoxhou les deus dierinnès anêyes, ça n' såreut deurer. F. croissance exponentielle.

| forcrexhinne [f.n.] coûte termene di foirt crexhaedje k' on sait bén ki va djoker. Gn a yeu ene forcrexhinne des skepiaedjes d' eterprijhes tins des "Golden Sixties", çou k' esplike les fayites des anêyes 70-80. F. phase de croissance exponentielle.

| forcrexhances [f.n.t.pl.] crexhoûles (nuketes ki vnèt dzo l' pea a cåze di l' inflaedje des glandes linfatikes). F. adénites.