Motî:fote

Èn årtike di Wikipedia.
(Redjiblé di Motî:foteuse)
Sauter à la navigation Sauter à la recherche

fote (codjowaedje)

I. [v.c.] (ene miete måhonteus)

1. taper, hiner. Fote çoula å feu ! I lyi a fotou ene bafe. Ele foytêye on live, manire po fote on ptit côp d' pî å tins ki prandjnêye (C. Denis). F. foutre, jeter. >> fote å diåle: fote evoye. F. se débarasser de. >>fote li camp: cori evoye. Fote li camp, rote tot droet, c’ est tote pavêye (B. Dechamp). F. foutre le camp.

2. diner (ene sacwè k’ on n’ riçût nén voltî). >>fote ene dobleure, ene rigodinne, ene diguedinne, ene deguzene, ene ratournêye, ene plouzêye, ene danse, ene frotêye, ene dispoûslêye, ene sipoûslêye, ene ramoujhnêye, ene douye, ene dôpinne, ene coreccion, ene tatouye, ene taene, ene taenaesse, ene doguete, del tchenveuse: a) diner ene volêye di côps. F. ficher une raclée. a) bate platmint. F. battre à platte couture, infliger une défaite cinglante, mettre en déconfiture.

3. mete. Loukîz a : tchôkî. >> fote dins l’ imbaras: rinde ene sakî emayî. F. mettre dans l’embarras. >> fote so flote: fé rater. Les politikîs ont tchôkî leu nez dins l’ pordjet et l' fote so flote (J.P. Dumont). F. faire échouer.

II. si fote [v.pr.]

1. si taper so. On s' a fotou sol bidon come troes afamés tchéns d' barakî k' årént atrapé èn oxhea, et l' lård avou (Yvon Laurent).

2. si fote di rire, si moker (d’ ene sakî) ; èn prinde nole asteme a çou k’ ele dit. Dire « dji m' fote di ti », c' est l' dierin des pårlers (ramexhné pa J.J. Gaziaux). Sovint, on s' fote de mizeres d' ene sakî sins vey come on-z est eplåkî. F. se foutre de >> s’ è fote: èn nén prinde asteme (a ene sacwè). On dit eto, pus polimint : end aveur di keure. Les payasses ? dji m' è fote co a mitan, dabôrd ki l' djêve n' est nén vude (E. Wartique & E. Thirionet). Loukîz a : : djan-fote. F. s’en foutre. >> s’ endè fote come di s’ prumire coulote ; u : >> come do tîce et do cwårt: n’ aveur nole keure (d’ ene sacwè, d’ ene sakî). On dit eto: s’ è cayî. F. s’en moquer allègrement.

| fotaedje [o.n.] no d' fijhaedje et no di çou k' est fwait (accion eyet si adierça) pol viebe « fote » et si « fote ». F. moquerie.

| foteu, foteuse u fotresse [o.f.n.] li ci (cene) ki s’ fote voltî des djins. On dit eto: mocrê, xhinaye. F. moqueur, railleur. >> foteu(se) d’ imbaras: onk (ene) ki fwait di s’ gueuye. Ça m' botréve di esse on foteu d' imbaras avou ene frake d' acapareu pou ndaler tricbaler (J. Lamouline). Les indjenieurs, c' est des foteus d' imbaras, i sont po biesses ki l' dierin des hertcheus (G. Fay). Loukîz a : fijheu d' imbaras, grandiveus. F. prétentieux, pédant.

| fotou, fotowe [addj., purade padvant]

1. ki n’ våt pus rén.

2. ki va piede ene lûte.

3. ki va mori. >> må fotou: foirt malåde. >> il est ttossi må fotou k’ l’ ôte: il est ossu malåde, pôve… ki l’ ôte. F. pas mieux lotti.

| fotant, fotante [addj., purade padvant]

1. po s’ moker. On dit eto: mocåd. F. moqueur, ironique, narquois.

2. livea d’ on mot dins dins on motî, ki mostere on sinse po s’ moker. C’ est ene miete fotant di lomer ene viye feme « matante ». Loukîz a : xhinant. F. par dérision.

Mots d’ aplacaedje[candjî | candjî l' côde wiki]

Hårdêye divintrinne[candjî | candjî l' côde wiki]