Motî:gayole

Èn årtike di Wikipedia.
(Redjiblé di Motî:gayolresse)
Sauter à la navigation Sauter à la recherche

Wiktionary-logo.svg

Li mot "gayole" est recråxhî sol Wiccionaire

gayole [f.n.]

1. cadje po les moxhons. Ele mi l' aveut todi prometou Ene bele pitite gayole Po mete èm canari (tchanson). La l' tchet sôté sol gayole k' est sol dresse, et la ttafwait ki berôle (P.J. Dosimont). Ni serîz nén binåjhe d' aveur on tcherdinea dins ene gayole po vos tot seu ? (A. Laloux). F. cage. >> dispindeu d' gayole: ome hôt so pates. On dit eto: grand grand epatlé, hôt-findou, dispindeu d' djambons. F. grand dégingandé. >> Ci n' est nén li bele gayole ki nourixh l' oujhea: Ci n' est nén li beaté ki conte po tirer s' plan dins l' veye. Franwal: ahåyant po: L'habit ne fait pas le moine

2. mozete (seke del feme). On dit eto: conin. >> mete l' oujhea el gayole: fé l' amour. F. copuler.

3. prijhon. Si to continowes inla, t' irès al gayole divant waire. Loukîz a : pote, amigo, piole. F. prison, taule, cachot.

4. (mot d' fotbalisse) gôl (cadje k' on saye di piter l' bale divins). Gn a deus gayoles, metowes di tchaeke costé do terén. F. goal, but.

Etimolodjeye: latén caveola (pitite cadje).

| gayolî, gayolresse [o.f.n.] (fotbal) gôl (djouweu ki disfind l' gayole). Cwand gn a on gayolî ki n' sait arester les chotaedjes, et k' on lyi marke deus, troes, cwate gôls al cawêye, on dit k' i s' a fwait trawer.


Parintêye :