Motî:glwere

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "glwere" est recråxhî sol Wiccionaire

glwere [f.n.]

1. sintimint d’ grandeur d’ on tchîf di guere k’ a wangnî bråmint des batreyes. Ca les cindes do grand ome si stårît so nosse tere Houte del glwere des signeurs, des princes et des barons (L. Lagauche). Et nosse cour crexhe cwand c' est k' on tuze al glwere Di nos vîs peres ki n' avît måy pawou (Li Tchant des Walons). Mins cwand nost Impreur rivna et ki s' glwere, come on moxhet, plonca dsu tote li France, å prumî djoû, Linåd s' egadja (M. Hicter). Racontez a m' pa l' glwere ki dj' a-st e l' Edjipe, sins rén rovyî, et tot çou k' vos avoz veyou (Li Djneze, rat. pa L. Hendschel). L' Andje do Signeur vina djondant d' zels, et l' glwere do Signeur les rafûla di s' loumire (Sint Luk, rat. pa J.M. Lecomte). Loukîz a : oneur. F. "gloire, notoriété, renom". >> al glwere di: po vanter. E vosse clokî d' Sint-Nicoley, Mamé cariyon, Al glwere di nosse bele Walonreye, Gruzinez ene tchanson (J. Vrindts). Po on prumî, dj’ a scrît "Féminitude", c' est des tecses, co del prôze-powezeye, al glwere des femes (D. Trempont).

2. rilomêye djin. C’ est ene des glweres di nosse fotbal. F. "gloire, célébrité".

| glorieus, glorieuse [addj., purade padvant] k’ apoite del glwere. Mins Diè soténrè nosse Peron Glorieus temoen di noste istwere (N. Defrecheux). Vola d' cisse contrêye li glorieuse memwere ! (Jules Leruth). F. "glorieux".

| gloriole [f.n.] pitite glwere ki les grandiveus volèt aveur mins k' i n' meritèt nén. Wice est i li ci k' abatrè li gloriole des grands (E. Wiket). El flaminco est espagnol ; C' est leu gloriole (A. Hancre). Li pus gråve dins tot ça, c' est k' les medias, ki n' kinoxhèt ki l' gloriole et l' odiomete, bassinèt des tuzaedjes ki metèt a må des meye et des meye di djins (L. Baijot). Li bute, c' est di schaper l' walon et nén l' gloriyole des soces ki boutnut pou (A. Gauditiaubois). F. "gloriole, vanité, petits honneurs".

Etimolodjeye et tcherpetaedje[candjî | candjî l' côde wiki]

riwalonijhî calcaedje do F. "gloire". (minme sinse)

Parintaedje[candjî | candjî l' côde wiki]

Sicrijhas ezès motîs[candjî | candjî l' côde wiki]

gloriole 
gloriole [S109, S117] [1]

Sourdants & pî-notes[candjî | candjî l' côde wiki]

  1. Loukîz al djivêye des motîs.