Motî:håre 1

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "håre" est recråxhî sol Wiccionaire

håre 1 [f.n.]

1. (vî mot) loyén fwait avou ene coxhete toirtcheye al mwin, di sacwantès plantes: côrî, beyôle, håvurna, oizire, så, po loyî les faxhenes; loyén d' waessén po loyî les djåbes. Alez m' côper ene håre. On loyive li botea di schoices avou des håres di côrî (L. Mahin). Gn aveut des faxhenes a ene håre et des cenes a deus håres. Li fi do shabotî est evoye côper des håres po-z etchapler les shabots. On loyive les bwès del cliyonêye avou des håres di tchårnea (F. Twisselman). Loukîz a: hårdêye, årchele. F. lien végétal, liane, corde de branchage.

2. (v.m.) coide; copurade, coide po pinde ene djin. F. corde. >> awè li håre e s' cô: a) esse on calin, on rénnvå, ki dinltins, åreut fini pindou. b) esse presse a s' maryî. Franwal: ahåyant po: "avoir la corde au cou".

Etimolodjeye: francike "hard" (pitit toirtchî fyi).

| hårete [f.n.] (vî mot) pitite håre.

| hårnou, hårnowe [addj., todi padvant] tot djåzant d' èn åbe, ki ses coxhetes polèt siervi po fé des håres. Loukîz a : hårnoufrinne.


Parintêye :

Mots d' aplacaedje :

Omofones (håre):