Motî:lodjî

Èn årtike di Wikipedia.
(Redjiblé di Motî:lodje)
Sauter à la navigation Sauter à la recherche

Wiktionary-logo.svg

Li mot "lodjî" est recråxhî sol Wiccionaire

lodjî (codjowaedje)

I. [v.s.c.]

1. dimorer en ene måjhon, èn otel, ene cahoute. Gn aveut la ene pitite tchambe avou ene ravalêye po les vårlets lodjî. F. loger, habiter.

2. passer l' nute. Dj' avans dvou lodjî dvant l' ouxh. F. loger, coucher.

II. [v.c.] diner l' djîsse a. Les viyaedjes di Loncin et d' Awan N' ont måy sitî si florixhant Tolmonde asteure fwait ses crås pets Dispu k' i lodjèt les Francès (tchanson del Revolucion lidjwesse). Gn aveut des måjhones k' on lodjive les rôleus (ramexhné pa J.M. Pierret). Loukîz a: edjîstrer. F. loger, héberger, abriter. >> lodjî l' diåle e s' boûsse: esse mo pôve. F. tirer le diable par la queue. >> esse lodjeye å covint Sint Mitchî, deus tiesses so èn oreyî: esse marieye, tot djåzant d' ene feme. >> esse lodjî al minme essegne: pårtaedjî les minmès rascråwes. Mins rovyîz vs ki vs estîz, cwand vos vs avoz maryî Lodjî al minme essegne ? Portant vs avoz viké (E. Remouchamps). >> esse lodjî a ene boune, ene laide essegne: esse bén, må lodjî. Dji voe bén ki ns estans lodjîs a ene bele essegne, cial (D. Salme). Dj' estans vormint lodjîs al pire des essegnes Les cinas sont sins four gn a pus rén dvins les gregnes (A.J. Alexandre). Loukîz a: adlodjî, dislodjî, racalodjî.

| lodjeu, lodjeuse u lodjresse [o.f.n.]

1. li ci (cene) ki lodje amon des djins. Pitit-z a ptit, on-z a fwait copiner l' lodjeu (J. Calozet). F. invité(e), logeur, euse.

2. li ci (cene) ki cwirt a-z esse lodjî. I bergoléve avårla: c' esteut on lodjeu (ramexhné pa J.M. Pierret). F. (candjmint di stîle) rechercher l'hospitalité.

3. (pus stroetmint) djonne ovrî d' fosse ki lodjive dins ene måjhon d' on coron, la ki l' mwaisse-lodjeu, on houyeu eto, boutéve årvier di lu (onk fijheut l' djoû, l' ôte li nute). >> li bon boket, c' est todi po l' lodjeu: li feme del måjhon aveut todi håsse di fé bebele å djonnea ki lodjive e leu måjhone; Loukîz a: mwaisse-lodjeu.

4. unité di mzura del cliyintele d' èn otel, ki corespond a ene djin et ene nute. Sol moes d' may, - a l' avirance, hin - dj' avans yeu cåzu l' dobe di lodjeus par djoû ki l' anêye passêye. Loukîz a: didjuneu, nuteye. F. nuitée.

| lodjisse [o.n.]

1. plaece k' on-z î lodje. To dirès ki c' est Bourlouf ki t' a consyî d' î dmander a lodjisse (J. Calozet). Loukîz a: lodjmint, dimoraedje, djîsse. F. logis. >> diner lodjisse, prinde a lodjisse: diner l' djîsse. F. héberger. >> esse a lodjisse: esse al djîsse. Les ovrîs del campagne estént sovint a lodjisse amon les cinsîs. F. être hébergé. >> prinde lodjisse: coûtchî (a ene plaece). Loukîz a: s' elodjî.

2. måjhone. Il ont on bea lodjisse. On n' trouve nén des beas lodjisses tos costés (J. Haust).

| lodje [f.n.]

1. pitite plaece k' on-z î pout lodjî. Li viyaedje s' a fwait come ene caracole, naturelmint, e lodjes di lumçons (P.J. Dosimont). F. loge. >> lodje des tchvås: plaece dins les ståves wice ki li (les) tchvå(s) lodjive (lodjént).

2. cahoute di bokions. Loukîz a: barake. >> les Lodjes: no d' plaece di Transene et di Smu, dins les bwès.

| lodjete [f.n.]

1. pitite lodje. Loukîz a: calodjete.

2. pitite måjhone. T' aveus des viyès djins ki berdelént sol soû d' l' ouxh di lodjetes (R. Honoré). F. maisonette.

| lodjåve [addj.] k' on-z î pout lodjî. Ci n' est nén on palås, mins c' est co lodjåve. Loukîz a: nén lodjåve, abitåve. F. habitable, salubre.

| lodjmint [o.n.] lodjisse. Il ont rtrové on lodjmint.

| lodjoe [o.n.] (mot d' éndjolisse) copiutrece avou on raloyaedje al Daegntoele, et on sierveu so l' éndjole, ki lodje onk, ou di pus d' on siervice(s), metans siervices waibe, siervice d' evoyaedje di fitchîs FTP, evnd. F. hôte. Ingl host. >> no d' lodjoe: dins l' adresse d' ene waibe, çou ki shût l' formule "http://" et k' c' est les mots (sovint troes) avou on pont inte di zels, ki vont disk' å no do fitchî, ki cmince pal silaxhe (/). I n' fåt nén di trop mete di nos d' lodjoe; våt mî fé tos des ridants et des sorridants. Li tchmin k' i gn a pa drî li slaxhe, nos d' fitchîs, evnd., c' est nén l' no do lodjoe nerén, c' est ene sacwè ki dipind do siervice: sierveu d' waibe, sierveu d' sitrimigne radio, sierveus CVS po les programeus, sierveus d' imprimaedje (P. Sarachaga). Ingl. host name.

Etimolodjeye: cawete -oe (plaece di lodjaedje), 1998.


Parintêye:

Mots d' aplacaedje: