Motî:loigne

Èn årtike di Wikipedia.
Potchî a: naiviaedje, cweri

loigne  [1] [addj., purade padvant & o.f.n.]

1. biesse. Mi rprouvress, fotou gueus, di rnouri mes kékes pitits loignes apetits ? (Simon li Scrinî). Ni lyi fjhoz fé nou messaedje : il est trop loigne (Motî da Forir). Va-z è ! t' es lwoigne (Motî da Pirsoul). I croet k' i gn a des rvinous; c' est on loigne (Motî d' Djivet). Dj' åreu co mî inmé l' grosse Mareye, mins ç' peuye la ! Ki les omes sont loignes (A. Laloux). Et todi come todi, li loigne Djangou n' a stî metou å corant ki l' dierin k' il esteut cocu (G. Lucy). Dji so loigne di vos dner des båjhes (H. Lerutte). Vos serîz bén loigne di lyi dner vos cwårs (Motî d' Perwé). Loukîz a : boirgnasse, båbineme, losse, zozot, enocin. Contråve : sûti, saedje, malén. F. "con, bête, stupide, malavisé, niais, naïf imbécile, bêta, simple, inintelligent, à l'intelligence écornée, nigaud, gauche". >>  des loignès dvizes; des loignes contes : des biesses messaedjes. On dit eto : des boignes messaedjes. F. "des histoires saugrenues, des paroles futiles".

2. sot, . I fåreut pår esse loigne po conter sol parole del Prûsse (Motî d' Vervî). Li londmwin, Doliye broke franc-batant addé Victor come ene loigne (A. Laloux). Kéne pitite loigne ! (A. Laloux). I fåt esse loigne po cåzer come i l' fwait (Motî da Gilliard). Elle est a mitan loigne (Motî d' Bastogne). Loukîz a : dimey cougnî, djondou, macasse, maké, mayté, peté, storné, souké. F. "con, imbécile, fou, sot, débile, insensé, dément, simple d’esprit, simplet, déficient mental". >> fé divni loigne ; u : >> fé cori loigne: fé divni fô, fé assoti. I t' freut cori loigne (Motî da Léonard). I vos freut divni loigne (Motî da Gilliard). F. "faire perdre la tête". >> des loignes come lu, ça n' court nén les voyes il est vormint loigne. On dit eto : S' il è voereut on pus fô k' lu, i s' batreut avou. >> loigne pourcea ! : traitaedje. Loukîz a : fô pourcea. F. "Espèce de con, de salaud". >> loigne veråt, loigne godi ! : riprotche, tot l’ escuzant, a onk ki fwait l’ sot, ki conte des fåves. A ! l’ loigne veråt, ci-la, todi ! Loukîz a : fô godi, fô veråt. F. "imbécile heureux". >> loigne gårce ! traitaedje d’ ene comere k’ on dit nén trop comifåt. Taijhe tu, loigne gårce (Motî d' Bastogne). F. "salope, sale pute". >> des loignes tchiveas : des tchveas nén trop spès, ki bizèt dins tos les sinses. F. "cheveux fous (claisemés et en désordre), tête échevelée". >> on loigne åbe: èn åe ki ses coxhes ont crexhou dins tos les sinses. F. "arbre non émondé, arbre échevelé".  [2]

3. esse loigne avou, après, di sot, rindou après (ene sacwè, ene sakî k’ on-z inme bén). Les viyès djins sont loignes avou les efants (Motî d' Faimonveye). Il est loigne avou les frambåjhes (Motî d' Faimonveye). F. "raffoler de, être fou de, être attiré inconsidérément vers ".

| loignmint [adv.] d’ ene loigne manire. Vos avoz pårlé loignmint (Motî da Forir). On dit eto : biesmint, sotmint. Contråve : saedjmint. F. "niaisement sottement, gauchement".

| loignreye [f.n.] faitindje d' on loigne. Cand on medcén ordone on rméde ås payizans, I lzî doet espliker les pondants, les djondants, Ôtrumint, i n' vos front ki totes sôres di loignreyes (A. Vermer). I n' fwait k' des loignreyes (Motî d' Bastogne). Ti n' sais conter k' des loignreyes (Motî da Forir). Oyi, mins tot ça c' est des loignreyes; et ci sereut loignreye di risker di piede on trezôr parey a vos (Z. Henin). C’ est des loignreyes di n' nén voyaedjî l' vénrdi (Motî d' Djivet). Les savants scrijhèt sovint des loignreyes sins l' saveur (Motî d' Vervî). C' est cnoxhou, sol coûsse del vicåreye Ku c' est l' mariaedje li meyeu sacramint; Di s' è passer, c' est ene grosse loignreye (M. Pire). Po des pexhons, ç' åreut stî ene loignreye di sondjî d' les pexhî et d' les såver do Diloujhe (P.J. Dosimont). On dit eto : biestreye, colibete, crake, coye, couyonåde, minte, mintreye, cracreye, faflûte, babuze, prôte, sotreye, foleye, zozotreye, sotijhe, biestrijhe. F. "connerie, bêtise, ânerie, gaucherie, chimère, sottise, niaiserie, fadaise, balourdise, plaisanterie, enfantillage". >> loignreye des grandeurs: kidujhance d' onk (ene) ki vout viker ådzeu di s' livea. F. "vanité, folie des grandeurs".

| loignisté [f.n.] difåt d’ on loigne. C’ est del loignisté, çou k’ il a fwait. F. "naïveté, stupidité, futilité, imbécilité".

| loignåd, loignåde [addj. purade padvant & o.f.n.] ki fwait les cwanses d' esse sot€ po profiter d' vos. loignåd Vla co l' loignåd ki fwait l' sot po nos epweyî (Motî del Lovire). F. "hypocrite, connard".

Etimolodjeye et tcherpetaedje[candjî | candjî l' côde wiki]

loigne 
erî-fwait tîxhon "lurni"  [3]
loignreye 
cawete -reye
loignisté 
cawete -isté
loignåd 
cawete -åd

Disfondowes[candjî | candjî l' côde wiki]

loigne 
lwègne, lwagne, l(i)wagne, l(u)wègne, logne (lôgne, loûgne).

Sicrijhas ezès motîs[candjî | candjî l' côde wiki]

loigne 
loigne [G0], loign [E203], lwagne [E212b, C1, C8, C9, C13, C100, C106, C105, O0, S109, S117], lwagne (femrin) [S0], l'wagne [E212], liwagne [C8], lwègne [E1, E170, E145], logne [E213], nén dins O4, O5, O100, S40.
loignmint 
loignmin [E203], lwègnemint [E170], lwagnemint [E212b], lwagn'mint [E21], l'wagn'min [E212].
loignreye 
loignreïe [E203], lwègnerèye [E170], lwagnerèye [E21], lwagn'rèye [E21], lwègnerêye [E34], luwegnrêye [E34], lwagn'rîye [O0], lwagnrerîye [C1, C100, C106], lwagneriye [C8, C13], lwagn'riye [S27], lwagnriye [S117], lwagnerie [E212b], lwagnrie [C9], lwagn'ries [S109], l'wagnri [E212], lwagn'rîje [S0].
loignisté 
lwagn'suté [E212b], l'wagnsité [E212].
loignåd 
loûgnârd [O3]. [4]

Sourdant et pî-notes[candjî | candjî l' côde wiki]

  1. rifondou avou l' betchfessî OI ashiowe so li scrijhaedje do 19inme sieke (Grandgagnage, Forir), mins li rîlêye est ene halcrosse; i manke "lôgne, loûgne" e Coûtchant walon; on-z a cwand minme on "loûgnârd" al Lovire, et "logne" el Hesbaye); li scrijha e "vî francès" u "vî walon" esteut "lorgne".
  2. Sinses sipeciås dinés dins l’ Motî da Grandgagnage .
  3. FEW 16., 491; minme sourdant ki l' francès "lorgner".
  4. Loukîz al djivêye des motîs.