Motî:lune

Èn årtike di Wikipedia.
(Redjiblé di Motî:lunatike)
Sauter à la navigation Sauter à la recherche

lune (dins l’ lingaedje corant) u Lune (en astronomeye) [1]

1. [no d’ asse] satelite del Daegne, ki s’ mostere å mitan di s’ moes, come ene grosse ronde bole pindowe å cir, ki lût del nute, et ki crexhe et discrexhe tos les 28, 29 djoûs. On dit eto: Bele, Beaté. F. lune, Lune. >> novele lune ; u tinre lune ; u djonne lune: li lune, k' est co tote noere å cminçmint di s' moes. C' est dmwin novele lune. F. nouvelle lune. >> deure lune ; u : >>  plinne lune: lune å plin mitan di s’ moes. F. pleine lune. >> aveur on vizaedje come ene plinne° lune: on bea rond vizaedje, ki mostere li boune santé. F. visage épanoui. >> i fåt planter a deure lune: doûce creyance so l’ rapoirt del Lune avou l’ crexhance des verdeures. >> rossete lune ; u : >> rosse lune ; u : >> rodje lune: u : >> måle lune ; u : >> mwaijhe lune ; u : >> lune di måss ; u : >> lune d’ avri: aparexhance del lune avou ene rosse coleur e moes d’ måss u avri, sovint (mins nén todi) riwaitêye come di måle aweure. C’ est l’ rossete lune ki rossi les verdeures. Li rosse lune fwait poûssî les trukes. [2] >> li lune si bate avou l' solea ; u li lune djouwe avou l' solea: si dit tins d' ene eclipe di lune. >> candjî a totes les lunes: candjî toltins. Fr. être instable, inconstant, versatile. >> esse dins l’ lune: tuziner, sondjiner. F. être dans la lune, être distrait. >> l’ ome k’ est dins l’ lune ; u : >> Djihan del Lune: doûce creyance a cåze des desséns dins l’ lune. Djhan del Lune vos vénrè cweri, si vos dmorez avå les voyes (ALW 3). On dit eto: Bazin, Burno, Djihan ås naveas.

2. satelite d’ ene bole ciryinne. C’ est l’ cwatrinme lune di Djupiter. F. lune.

| lunatike [addj. todi padrî] ki candje d’ idêye a totes les lunes. F. "lunatique".

Mots d’ aplacaedje[candjî | candjî l' côde wiki]

Minme sourdant etimolodjike[candjî | candjî l' côde wiki]

Hårdêyes divintrinnes[candjî | candjî l' côde wiki]

Sourdant et pî-notes[candjî | candjî l' côde wiki]

  1. li son U si prononce ë disk’ a Lidje ; did la les scrijhaedjes « leune » e Feller. Mins çoula n’ a nén stî ritnou e rfondou, ca gn a måy li prononçaedje « leûne ».
  2. Loukîz a (ALW 3. p. 36.