Motî:måjhon

Èn årtike di Wikipedia.
(Redjiblé di Motî:måjhinete)
Sauter à la navigation Sauter à la recherche

måjhon u måjhone [f.n.]

1. bastimint k' on-z î dmeure. On repoirta li coixheye el måjhon et on l' coûtcha so on payî (L. Remacle). Vos sintîz dins tote li måjhone li gosse do toubak, c' esteut do smwès. Loukîz a : lodjisse, lodjmint, burgalo, cwårtî. F. maison. >> a m' måjhon, a nosse måjhon: djusse manire po dire "amon mi" (k' est rsintou come on mot d' efant). F. chez moi. >> come ene måjhone: foirt grand. Il ont stî å Kenia u å Senegal, et i vs vinèt raconter k' i n a la des grands longous fleuves avou des bateas come des måjhones (J. Selvais). >>  drap d' måjhon: loke a rlocter. F. serpillère.

2. (pus stroetmint, dins les vîs bastimints) plaece k' on s' î tént tofer, et magnî, et coujhner, eneviè li bele tchambe. On pleut wårder ses niches solés el måjhon, mins nén el tchambe. F. cuisine, place commune.

Etimolodjeye : bodje "måjh" (latén "mansus"), cawete -on

| måjhonêye [f.n.]

1. djins ki dmorèt dins ene metowe måjhon. Abraham houca s' fi Ismayel et tos les sclåves sikepyîs e s' måjhon ou atchté conte des cwårs, djo, tos les måyes di s' måjhonêye (Li Djneze, ratournêye pa L. Hendschel). Amon nozôtes, ene måjhonêye, c' est ene sacwè ki tént pîce eshonne (L. Somme). Foû do traeyén del måjhonêye, li tåye ascoxhe li tins et les anêyes (B. Louis). Belès orondes, vinoz come tchaeke anêye, moes d' avri, ragaiyi l' måjhonêye (H. Lerutte). On dit eto : manaedje. F. maisonnée, foyer.

2. famile, parintêye. Ene boune anêye, ene boune santé A vos et a vosse måjhonêye (G. Havelange). Bråmint des mames et des popas amerikins - cåzumint dijh meyes måjhonêyes - ont vèyou el dierinne anêye leus valets èn on vaxhea, tapés djus dvins l' guere d' Irak (G. Sfasie). F. maisonnée, famille.

| måjhinete [f.n.] pitite måjhon. Li tcharité ki mousse el måjhinete Nel fwait k' al nute, avou meye precåcions (Tchant des Walons). Loukîz a : burgalo, cahoute, lodje, cambuze, cassene. F. maisonnette.

| måjhonçale [f.n.]

I. (v.v.m.) pitite måjhon.

II. Måjhoncele [n.pl.] hamtea d' Ebli.

Vîs scrijhas : Maixencelle (1495).

Tcherpintaedje : cawetes -ale et -ele.


Parintêye :

Mots d' aplacaedje