Motî:malén

Èn årtike di Wikipedia.
(Redjiblé di Motî:malisté)
Sauter à la navigation Sauter à la recherche

Wiktionary-logo.svg

Li mot "malén" est recråxhî sol Wiccionaire

malén, malene

I. [addj. padvant u padrî avou des sinses diferins & o.f.n.]

1. (metou padrî) (tot cåzant d' ene djin, d' ene biesse) sûti, sûteye. C' est l' pus malén del fornêye. C' est èn ome malén; vos l' poloz croere. F. malin, intelligent. >> Li pus malén s' fwait atraper: k' on dit po-z aswadjî ene sakî ki vént di s' fé emantchî. >> Il est télmint malén k' i dismelreut bén les grossès poeres des ptites: i n' est nén co si malén k' ça. >> nén malén po on sô; nén pus malén k' on n' l' a fwait: nén foirt malén, biesse. Loukîz a: pômalén.

2. (metou padvant) k' a tos les toûs po-z ariver a çk' i vout. C' est des maléns djonnes. Loukîz a malignant. F. malin, astucieux, rusé, futé, débrouillard. >> C' est l' pus malén k' atrape l' ôte: on dit ça po s' fote d' ene sakî ki vént di s' fé emantchî. >> A malén, malén deus côps: li ci ki s' croet malén po-z emantchî èn ôte, i trove co sovint pus malén k' lu. >> Il est pus malén ki l' diåle u Si l' diåle est pus malén k' lu, c' est k' il est pus vî: il a tos les toûs; il a on toû d' pus ki l' diåle. >> t' es trop malén po l' Bon Diu, li diåle t' årès: dijhêye a ene sakî ki conte des mintes.

3. (metou padrî) (tot cåzant d' on må) mwais, ki n' riwerixh nén. Loukîz a: laid. F. malin, grave. >> catåre malén: sôre di maladeye des bovrins.

4. (tot cåzant d' ene djin) mwais, mwaijhe. >> Les Maléns: spot des djins d' Belvå dlé Bouyon.

II. li Malén [n.pr.]

1. li diåle. Li Djôzef s' a ravizé; il a bén veu k' il aveut a fé å Malén ki lyi vleut djouwer on mwais toû (E. Benoit).

2. no d' ene popinete lidjwesse. I gn a l' Malén et l' Pômalén.

| malisté [f.n.] difåt d' ene sakî k' est malén (k' a tos les toûs po-z ariver a ses féns). I n' a nole malisté e coir (ramexhné pa L. Remacle). F. malice.


Parintêye :