Motî:maneuvrer

Èn årtike di Wikipedia.
(Redjiblé di Motî:maneuve)
Sauter à la navigation Sauter à la recherche

maneuvrer (codjowaedje) [v.s.c.]

1. moenner ene machine, on rôlant indjén. I n’ maneuvere nén trop bén avou s’ Clark. F. manoeuvrer, déplacer.

2. bodjî tot djåzant d’ on rôlant indjén. Li longou trin, tcherdjî a hope di rfudjîs, si djoke, et maneuvrer por lu s' mete so ene voye di gåraedje (E. Pècheur). Ene cawêye di dpu d' ene trintinne di tcheretes et d' camions, et d' cars, et d' camionetes ; des cis ki maneuvrèt po ratourner ; cwè çki c' est d' ça po ene araedje (L. Mahin). F. manoeuvrer, se déplacer.

3. (pus lådjmint) fé aler (åk ki bodje). Påldene maneuvere ses longuès batweres po ramoenner l' pan di s' cindrén so s' vizaedje et rascode les tchôdès låmes ki lyi cournut so ses mashales (F. Barry). F. bouger.

| maneuve [f.n.]

1. accion k’ on fwait avou ses mwins, purade po moenner ene machine, on rôlant indjén, u fé ene ricete u èn ôte ovraedje. Cwand k' il a tot fwait ses maneuves, I brait bin hôt : « Disk' a pus tård » (M. David). Asteure, i n' esteut pus tins do halkiner po-z ateri; dji hapa ene grande golêye d' air et dj' ataca l' maneuve (Y. Gendarme). F. manoeuvre. >> fé ene fåsse maneuve: si brouyî dins èn ovraedje. Målureuzmint, dj' a fwait ene fåsse maneuve avou mi emilreye, et dj' a disfacî vost evoyaedje (L. Mahin).

2. egzercice a l’ årmêye. Li deuzyinme groupe di cwate fwait l' minme maneuve et, deus munutes après, i gn aveut pus k' ene seule grande lene di trinte-deus avions ki nd alént bén hôt, ådzeu d' Mont (P. Rousselle). F. manoeuvre militaire. >> plinne des maneuves: plaece la k’ les sôdårds fwaiynut des egzercices. >> grandes maneuves: maneuves dins l’ payis, u sol mer, come si ça sereut po ene vraiye guere.

3. djonne ovrî ki fwait les ptits ovraedjes. Ascropou, el maneuve adjustêye les crotches dins l' anea do dierin vagon (L. Lecomte). On dit eto: manovrî, mandaye. F. manoeuvre.

| maneuvraedje [o.n.] no d' fijhaedje et no di çou k' est fwait (accion eyet si adierça) pol viebe « maneuvrer ». F. manoeuvre, ..

Etimolodjeye et tcherpetaedje[candjî | candjî l' côde wiki]

riwalonijhî calcaedje do francès "manoeuvrer" (minme sinse). [1]

Minme mot[candjî | candjî l' côde wiki]

Hårdêye divintrinne[candjî | candjî l' côde wiki]

Pî-notes[candjî | candjî l' côde wiki]

  1. ôtmint ci sereut « manovrer, manouve ».