Motî:mitche

Èn årtike di Wikipedia.
(Redjiblé di Motî:mitchete)
Sauter à la navigation Sauter à la recherche

Wiktionary-logo.svg

Li mot "mitche" est recråxhî sol Wiccionaire

mitche [f.n.] fadêye. A ! vla onk! dji n' serè nén tot seu po magnî mes mitches (C. Binamé). Deus troes trintches di pwin, pu noer ki blanc, po fé des mitches et Djulia ki vudive li cafè dins les grandès djates (R. Dedoyard). F. tartine.

| mitchot [o.n.]

1. pitit pwin (påstedjreye fwaite d' on boket d' påsse di pwin, k' on meteut a cure e for, eneviè li tortea al paile, k' on coujheut al paile). On dit eto: pistolet. >> aveur des mitchots pus gros k' on pwin: esse mo seur di lu. Ouy, i sint k' il a des mitchots pus gros k' on pwin et des idêyes a mete li tere cou dzeu cou dzo (P.H. Thomsin).

2. (pus stroetmint) soucré pistolet, eneviè les crenés.

3. (imådjreçmint) pitit gamén. Papa, dit-st i l' mitchot, on fwait des galetes ?

4. mitchete (pitite bistoke).

| mitchete [f.n.]

1. pitite bistoke, sovint ene glotinreye, k' on rapoite ås efants u a s' monkeur cwand on va-st e voyaedje.

2. pitite sacwè k' on wåde come sovni. >> aler rcweri ses mitchetes: aler rcweri ses sovnis amon si galant, si comere, k' on n' est pus avou. On dit eto: aler rcweri ses nicnaks.

| mitchotreye [f.n.] totes les ptites påstedjreyes, a môde di mitchot. So les cleuses et les plantches, totavå, les dmeys pans, les cwårlets, mitchotreyes et gozåds Ritoumént doûcetmint tot rawårdant l' pratike (L. Lagauche).