Motî:mot

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "mot" est recråxhî sol Wiccionaire

mot [o.n.] li pus ptit boket do cåzaedje k' a on sinse a lu tot seu, et, tecnicmint, çou k' i gn a inte deus espåces dins on scrît. >> laid mot: mot måhonteus a dire. F. insanité, injure, insulte. >> djivêye di mots: pitit motî (sovint metou al fén d' on ptit live, dins on lingaedje ki les léjheus ni cnoxhèt nén bén). F. glossaire.

| motî [o.n.] live wice ki les mots sont metous onk dirî l' ôte, di A a Z, avou leu-z esplikêye, ou leu ratournaedje eviè èn ôte lingaedje. Li mwaisse ouve då Lucien Léonard dimore si "Lexique namurois" (1969), on gros spès motî adjinçné idêye pa idêye. Vos estoz ki lét "Li Splitchant Motî do walon". On Francès ki lit Rabelais dins l' mwaisse sicrijhaedje, i n' î comprind kendal; lyi fåreut cåzu on motî d' ancyin francès po tchaeke mot (L. Mahin). On dit eto : live di mots, diccionaire. F. dictionnaire. >> esplicant motî: motî ki dene l' esplikêye des mots. >> ratournant motî: motî ki dene li ratournaedje des mots d' on lingaedje a l' ôte.

Etimolodjeye: calcaedje riwalonijhî do noûmot galo "motier" (minme sinse), 1995.

| motlî [o.n.]

1. tos les mots k' on scrijheu eploye dins ses tecses, k' on cåzeu dit dins ses dvizes. Li stîle "Relîs Namurwès 1990", c' est ene grande sogne sol croejhete, wice k' on eploye, a tot cop bon, les emantchaedjes pår walons, et on foirt ritche motlî, avou waire di mots rfrancijhîs, metous dins des ptitès coûtès fråzes. F. vocabulaire.

2. målåjheys mots d' dins on studia. Vocial li motlî del Pitite Croejhete (L. Hendschel). F. glossaire.

3. pitit motî d' on seu dominne tecnike. F. lexique.

Etimolodjeye: bodje "mot", cawete -ea (sipotcheye e L pal cawete -î metowe padrî), 2002.


Parintêye :