Motî:muzurer

Èn årtike di Wikipedia.
(Redjiblé di Motî:muzura)
Sauter à la navigation Sauter à la recherche

Wiktionary-logo.svg

Li mot "muzurer" est recråxhî sol Wiccionaire

muzurer (a l' atake u après cossoune) / mzurer (après voyale) (codjowaedje) [v.c.] avirer ene longueur, on pwès, evnd, avou èn instrumint fwait po. F. mesurer. >> On nelzî a nén metou ça po mzurer les tchamps: (nén piké des viers) tot cåzant do d' l' ome, po dire k' i doet siervi.

| muzeure / mzeure [f.n.]

1. chife k' on-z a tot mzurant. Gn a k' a prinde les mzeures pol gorea, pol dossire, pol coulire, pol vintrire et po l' avalwere (Arthur Masson). F. mesure. >> addjectif di mzeure: addjectif come long, hôt, evnd; i s' eployèt dins èn emantchaedje a pårt.

2. candjmint di lwè, di reglumint.

| muzurete / mzurete [f.n.]

1. viye muzeure po les likides.

2. viye muzeure po les grins. Ene muzurete po les grins valeut shijh muzuretes po les likides.

3. candjmint di lwè, mins ki n' candje nén grand tchoi. Les mzeures k' on ratindeut do minisse n' ont stî k' des mzuretes.

| muzuraedje / mzuraedje [f.n.] no d' fijhaedje et no di çou k' est fwait (accion eyet si adierça) pol viebe "muzurer". Avou des electrodes, on fwait tos les mzuraedjes k' i fåt sol robete: batmints d' cour, shofla, tinkia des arteres, ovrance do cervea (L. Mahin). F. mesure, mesurage, évaluation, détermination.

| muzureu / mzureu; muzureuse u muzurresse [o.f.n.] li ci (cene) ki mzeure. rl a: hazeu. F. mesureur, topographe, géomètre, arpenteur.

| muzura / mzura [o.n.] manire di mzurer ene absitroete sacwè. Les mzuras macro-economikes sont bons mins c' est paski les petroles si vindèt tchir et vilin ces tins ci (L. Mahin). F. paramètre.

Etimolodjeye: viebe "muzurer", cawete -a, 1997.


Parintêye:

Mots d' aplacaedje :