Motî:oniesse

Èn årtike di Wikipedia.
(Redjiblé di Motî:oniesté)
Sauter à la navigation Sauter à la recherche

Wiktionary-logo.svg

Li mot "oniesse" est recråxhî sol Wiccionaire

oniesse [addj. purade padvant]]

1. ki n' hape nén l' bén d' èn ôte. Li monde est ene foubreye wice ki l' oniesse est vite schôdé (M. Lejeune). Bref, totes les djins, minne les martchands d' vatches, estént divnous oniesses (E. Gillain). F. honnête, intègre.

2. poli, bén aclevé, comifåt. F. poli, correct, loyal.

3. ki n' fwait nole flotche avou les femes (les omes) des ôtes. F. honnête, chaste, vertueux, pudique.

4. (mot d' linwincieus) k' est d' on livea ki tertos pout ôre, tot djåzant d' on mot, d' on cåzaedje. On dit eto: politicmint, sociålmint comifåt. F. politiquement correct.

| oniesté u oniestruté [f.n.] cwålité d' ene oniesse djin. Li petroleu s' arestêye dilé les cinses, les tchesteas et les houtes, et on pô pus lontins, et pa oniestruté, e tot dierin cafè, po boere deus, troes tchikets (L. Piron). Li rwè a felicité sint Elwè po si oniesté (P. Otjacques). F. honnêteté, politesse, binséance, loyauté, civilité, chasteté.

| oniesmint u oniestrumint [adv.] d' ene oniesse manire. Èn tapez nén evoye vosse veye et vost oneur; vos estoz årtisse et vos wangnîz oniesmint vosse pwin; vos vôrîz divni marionete, e riscant vosse pea (M. Renard). Eto, foirt oniesmint, dji dirè k' c' est d' å lon Ki dj' a fwait l' conoxhance do camaeråde Dehon (J. Orban). Dj' arinna oniesmint èn ome bén moussî ki m' shonnéve on "monsieu" (J.P. Dumont). Cwand elle est sins malice, c' est foirt bén D' aveur por lu si ptite marote; Et l' ci ki passe oniesmint s' tins Ni s' frè cdjåzer ni håre ni hote (C. Gaspard). Li mwaisse controleuse sicrijheut tchaeke côp k' i djheut åk; et dmander a tot côp bon: "Et kibén k' ça våt, çoula ?" Zande respondeut oniestrumint (L. Mahin). Loukîz a : comifåt. F. honnêtement, poliment, correctement, vertueusement, pudiquement.