Motî:pårt

Èn årtike di Wikipedia.
(Redjiblé di Motî:pårtiveuse)
Potchî a: naiviaedje, cweri

Wiktionary-logo.svg

Li mot "pårt" est recråxhî sol Wiccionaire

pårt [f.n.] boket ki rvént a ene sakî. >> èn nén dner s' pårt å tchén; u: å tchet: a) magnî voltî d' èn amagnî, k' èn ôte n' inmreut motoit nén. Del misse, a ! oyi k' on nd a magnî; nosse Djôzef ni dnéve måy si pårt å tchén (ramexhné pa L. Mahin). F. "ne pas cracher dessus".. b) èn nén fé moens d' arnåjhreyes, di biestreyes k' èn ôte. Dj' a yeu bråmint d' efants, des arnåjhes di fis, des spitantès båsheles, et avou ça des belès-feyes ki n' dinént nén leu pårt å tchet (J. Selvais). F. "ne pas être en reste". >> fé les pårts: diner a tchaeconk li boket ki lyi rvént (d' ene eritance, evnd.). >> i (ele) n' esteut nén la cwand on-z a fwait les pårts: i (elle) est biesse (come si on-z åreut pårti l' sûtisté, et k' i n' åreut nén yeu s' pårt). Loukîz a : dimey-doûs. F. "il lui manque un brin, il n' a pas inventé le fil à couper le beurre". >> a pårt...: sins conter... Loukîz a: apus ki.

| pårtaedje 1 [o.n.]

1. pårtixhaedje (fijhaedje di pårts). I n' ont nén co fwait l' pårtaedje, et l' pé est moirt dispu bén ddja deus moes. F. "partage".

2. (pus stroetmint) manêye (pårt d' ene virêye). Il ont tot abatou leu pårtaedje. F. "part d' affouage".

3. sacwè k' est da tertos. On prind ene djaeye u deus po les mete e pårtaedje (L. Mahin).

4. (mot d' éndjolisse) pårticion ou plake metowe so ene ôte éndjole k' on pout eployî å dtruviè d' ene rantoele locåle (ruslî). Avou Windows, vos avoz ene imådjete "Vijhnaedje rantoele" u "ruslî" ki mostere les ôtès copiutreces sol rantoele locåle et, po tchaeskene di zeles, leyî vey çou ki pout esse eployî, come sicrirece, mins ossu come pårtaedje; les pårtaedjes des ôtès éndjoles polèt esse rilomés "G:" ou "H:", et eployîs come si ç' sereut so vosse prôpe éndjole (P. Sarachaga). Ingl. "share".

| pårtiveus, pårtiveuse [addj. & o.f.n.] li ci (cene) ki pretche po pårti on payis, po ene coine di ç' payis la si dislaxhî. Les kékes Walons ki n' ont måy creyou cisse fåve la, on ls a traité d' tos les nos: "pårtiveus, aschatîs, walingants" (J.C. Somja). F. "séparatiste".

| pårtiveusté [f.n.] kidujhance ou tuzance pårtiveuse. F. "séparatisme".

Etimolodjeye et tcherpetaedje[candjî | candjî l' côde wiki]

pårtaedje 
cawete -aedje 2 (acawêye a on no).
pårtiveus 
cawete -iveus, 2002.

Parintêye[candjî | candjî l' côde wiki]

Mots d' aplacaedje[candjî | candjî l' côde wiki]

Disfondowes[candjî | candjî l' côde wiki]

pårt 
paurt, pârt, paut.

Hårdêye divintrinne[candjî | candjî l' côde wiki]