Motî:påye 2

Èn årtike di Wikipedia.
Sauter à la navigation Sauter à la recherche

Wiktionary-logo.svg

Li mot "påye" est recråxhî sol Wiccionaire

påye 2 [f.n.] cossina fwait inte deus pårteyes k' estént e guere u e margaye. Li påye di Cargnon, riscrîte e walon. Li påye uropeyinne po les mancîs lingaedjes. Il aveut minme fwait eplaidî des papîs, - nén si må scrîts k' ça, åré - po splitchî li Påye d' Aroucha, inte li govienmint houtou eyet les revinteus toutsis (L. Mahin) >> Påye d' Angleur: (istwere) påye acoirdêye e 1313 påzès nobes ås djins des Mestîs d' Lidje, et lzî dner li mitan do Consey comintå. >> Påye di Fexhe: (istwere) påye acoirdêye e 1316 ås Lidjwès, k' elzî waeranti leu vîs abondroets, inte di zels, di polou esse djudjîs "serieuzmint", et d' awè bråmint åk a dire dins l' administråcion del Comene. Les araedjîs avou leu påye, K' i lomèt d' Fexhe et ki l' diåle åye, Cisse påye ki, dispoy deus troes ans, Fwait saetchî les ptits et les grands, Cisse påye ki dji lome on tchinisse Di chagrin m' a fwait vni l' djaenisse ! (Marian de Saint-Antoine). rl a: pake. F. traité, charte, accord.

Omonime:

  • påye (f.n.; fén del guere)

Omofones coinreces:

  • paye (f.n.; salåre, çou k' est payî)
  • paye (f.n.; strin)
  • poye (f.n.; frumele do cok)
  • poy (o.n.; poyaedje)
  • poy (adv.; après)