Motî:payin

Èn årtike di Wikipedia.
(Redjiblé di Motî:payinne 1)
Potchî a: naiviaedje, cweri

payin, payinne

I. [o.f.n.]

1. po les crustins, li ci (cene) ki n' l’ est nén. Tot çoula, c' est les payins di ç' monde ci k' el cwerèt (Sint Luk, ratourné pa J.M. Lecomte). I gn a co des Romins ki dmanèt après ci, des djins del Djudêye et des payins ki sujhet li Lwè des Djwifs (Sint På, ratourné pa J.M. Lecomte). Loukîz a : Sarazin, atêye. F. païen, infidèle, idolâtre, impie, mécréant. >> viker come on payin, come ene payinne: viker sins rlidjon. >> djurer come on payin: djurer foirt. Loukîz a : peter les mildjus, sacraminter. F. jurer comme un païen, blasphémer.

2. po les muzulmans, li ci (cene) ki n’ croet nén å Diè unike. Ridjhoz : Hê, vozôtes, les payins, Dji n' adore nén çou ki vs adorez, Et vos n' adorez nén li Ci k' dj' adore (Alcoran). Loukîz a : måcreyant. F. idolâtre, impie.

II. [addj., todi padrî] ki shût l’ fwè des payins. I vikèt dins on monde di spérs et d' macrales, ki l' efant ni sait kî çk' î est mwaisse ; on monde payin ki replaece li monde crustin (L. Mahin).

| payinnisse [o.n.] rilidjon des payins. Les Incas n’ avént nén dmandé a Pizzaro di les dlivrer do payanisse (L. Mahin). F. paganisme.

Etimolodjeye et tcherpetaedje[candjî | candjî l' côde wiki]

payin 
latén "paganum" (minme sinse).
payinne 
cawete -inne
payinnisse 
cawete -isse 2 (sol piceure di « crustinnisse »), 2008[1]

Sicrijhas ezès motîs[candjî | candjî l' côde wiki]

payin 
payin [E1, E34, E170, C1, C100, S0, Franwal di Nivele"], payén [C106], païen [E34], pèyin, péyin "Franwal da Haust a "païen"); nén dins O0, O4.
payinne 
payinne [E1, E170], payène [C1, C100, C106, E34, "Franwal di Nivele"], -iène [S0], païène [E34] [2]

Mot vijhén[candjî | candjî l' côde wiki]

  • payîne (feme ki vént d' s' acoûtchî)

Hårdêye divintrinne[candjî | candjî l' côde wiki]

Sourdants & pî-note[candjî | candjî l' côde wiki]

  1. "paganisme" n' est nén dins l' Franwal da Haust ni dins l' ci d' Nivele, ni dins ci d' Nameur.
  2. Loukîz al Djivêye des motîs.