Motî:peler

Èn årtike di Wikipedia.
(Redjiblé di Motî:pelêye)
Potchî a: naiviaedje, cweri

Wiktionary-logo.svg

Li mot "peler" est recråxhî sol Wiccionaire

peler

I. [v.c.]

1. rissaetchî li pelete (canadas). F. peler, éplucher.

2. schoircî: a) rissaetchî li pea. F. dépiauter, dépouiller, dépecer, écorcher. b) rissaetchî li schoice (tcheneas). F. écorcer.

3. (imådjreçmint) taper so les niers di (ene sakî). >> Ti m' peles les coyes (måhonteus) u ti m' peles les coisses u to m' les peles: to m' tapes so mes niers.

II. si peler [v.pr.] trover l' tins long.

Etimolodjeye: viebe fwait sol bodje "pea"; loukîz a: veler, rusteler.

| pelé, pelêye

I. [o.f.n.]

1. sins tchveas. >> gn aveut k' troes pelés et deus tondous: gn aveut waire di djins.

II. [addj.] k' a stî pelé. >> pelé cokea u: pelé vea: djeu d' cwårdjeus, tot biesse, ki s' djouwe a deus, tchaeconk tape ene cwåte, et c' est l' ci k' a l' pus grosse ki ramasse; cwand c' est l' minme cwårdjeu, c' est bataye, on rdjouwe li cwåte d' après.

III. pelêye [f.n.] poenneuse samwinne.

| pelaedje [o.n.] no d' fijhaedje et no di çou k' est fwait (accion eyet si adierça) pol viebe "peler".

| peleu, peleuse u pelresse [o.f.n.] li ci (cene) ki pele (ene sacwè).

| pelete u pelote [f.n.] Li pea des crompires, des fruts, evnd k' on stî pelêyes. F. pelure. >> Li pelete ni fwait nén l' canada: i n' si fåt nén fiyî a çou k' on voet; i fåt rwaitî çou k' ene djin våt dins l' fond. F. l'habit ne fait pas le moine. crompires el pelote: crompires cûtes sins peler.

| pelant, e [addj. & o.f.n.] ki vs pele tofer les coisses. rl a: taenant, hodåve, hodisse, hodant, haemåve. F. importun.

| pelåjhe [f.n.] såjhon k' on pele ås tcheneas, cwand i cmince a fé tchôd, inte li fnå et l' awousse. Coinrece Payis d' Lidje.

| pelinne [f.n.] 1. pelåjhe. Il alént al pelinne e France. 2. (cwårdjeus) schita (pitite cåte). Dji n' a ki totes pelinnes e m' djeu ! (Motî da Haust).

| pelin [o.n.] linne saetcheye foû del pea d' ene crevêye berbi.

| pelake

I. [addj. purade padvant & o.f.n.]

1. pelé (ki n' a pupont di tchveas). Li crapåde k' est pelake mete ene sipesse perike (Ovide ratourné pa F. Duysinx). On dit eto : tchenou, displouméF. chauve.

2. ome k' on voet evi. >> on n' î rescontere ki çou k' i gn a d' fén dins ene banslêye di pelakes: gn a la k' les rénnvåt.

II. [f.n.] fene coûtche. Gn aveut ene pelake di nive. On dit eto: pelete.

Etimolodjeye: cawete -ake.


Ôtes parints:

Omonime:

Mots d' aplacaedje: