Motî:plôke

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "plôke", alez s' vey sol Wiccionaire

plôke [1] [f.n.]

1. minêye. L' efant a des rodjeurs; c' est co ene plôke ki rôle (Motî del Lovire). Dj' a-st avou l' plôke. Loukîz a : herike, pîhindje. F. "épidémie, infection".

2. maladeye ki s’ prind, et touwer bråmint des djins u des biesses et fé mo des ravadjes. Cwand cisse måle plôke la passe sol tere, Ele ni spågne nouk, ni grand ni ptit (J.B. Bastin). Les Aloyîs ont co passé l' ivier dins l' froedeur et les plôkes (L. Mahin). Les boschets epestiferèt les biesses et les djins avou totès sôres di plôkes, come li må d' Lyme (L. Mahin). Loukîz a : pesse, rascråwe. F. "peste, épidémie".

3. çou ki cåze ces maladeyes la. (On cåze des potchas-pelrins) Cwand cisse plôke la voet del verdeur, i brokèt dsu todroet, et s' endè fote plin leu panse - såf vosse respet (L. Mahin). F. "peste, poison, germe".

4. måleur d' ene djin tote seule u di tote li cminålté. Cwè çki c' est ki d' divni vî ? Est ç' on rafiya u ene plôke ? (L. Mahin). Loukîz a : rascråwe. F. "malheur, catastrophe, calamité, désastre".

5. laid moumint, la k' on est tot disbåtchî u flåwe fizicmint. Dj' a ene plôke sol coir (Motî d' Vervî). F. "cafard, indisposition, malaise, abattement".

6. maladeye ki rvént. I s' tchait co dins s' plôke a esse escran (Motî del Lovire). F. "maladie, infirmité.".

Etimolodjeye et tcherpetaedje[candjî | candjî l' côde wiki]

calcaedje do flamind "plaag" u do limordjwès et ripouwaryin plooch" (minme sinse).<span  [2] [3]  [4]

Parintêye[candjî | candjî l' côde wiki]

Sicrijhas ezès motîs[candjî | candjî l' côde wiki]

plôke [O0, O3, G215], plauke [O3], plôhe [E34, G215], plôche [S0, G215], plôhye [G215], plouhe [G215], plouche [G215], nén dins S0. [5]

Hårdêye divintrinne[candjî | candjî l' côde wiki]

Sourdant et pî-notes[candjî | candjî l' côde wiki]

  1. Ôtes rifondaedjes rilevés "plôke", « plågue ».
  2. FEW 16 632a.
  3. ALW 15 p. 23.
  4. Tuzez eyo a l' inglès "plague".
  5. Loukîz al Djivêye des motîs.