Motî:plaijhi

Èn årtike di Wikipedia.
(Redjiblé di Motî:plaijhant)
Potchî a: naiviaedje, cweri

Wiktionary-logo.svg

Li mot "plaijhi" est recråxhî sol Wiccionaire

plaijhi [o.n.]

1. sintimint d' aveur bon. On a bråmint des djins toumetnant ki divnèt vayants cwand s' adjixh di s' diner do plaijhi; pol resse vos n' les såriz fé hossî (R. Painblanc). I hape tant d' trûtes å bî k' i les rhene e l' aiwe pol plaijhi di les rsôrti pu lon (S. Fontaine). F. plaisir, satisfaction. >> fé plaijhi: rinde siervice. Li plaijhi d' fé plaijhi, c' est ene sacwè ki vos fwait co dpus d' bén cwand c' est vos kel riclape, et ki vos rmowe co dpus s' i vos rabize totossu rade (C. Denis). On dit eto: complaire, fé binåjhe, ahessî. >> fé durer l' plaijhi: s' arindjî po k' ene plaijhante sacwè deure lontins. On dveut rwaitî a tchaeke dolår po fé durer l' plaijhi li pus lontins possibe. >> on plaijhi våt l' ôte: rindoz siervice; on vos l' rindrè. F. s'entraider. >> c' est on peur plaijhi: dijhêye a onk ki vs rimerceye.

2. (pus stroetmint) djouwixhance secsuwale. On plaijhi, c' est ene bistoke k’ on a toirt di rovyî d’ diner po purade è profiter; après, i n' si fåt nén plinde (Wêt’-A-Ti-Kil-Tchén-Nt-Agne). F. plaisir, jouissance.

Etimolodjeye: viebe plaire, cawete -i.

| a plaijhi [advierbire] bråmint. Les piyônes dinèt a plaijhi des grossès rodjès fleurs po wårni l' finiesse al porcession (Joseph Houziaux). F. à plaisir.

| plaijhant, plaijhante [addj., purade padvant]

1. ki dene do plaijhi. Ki c' est plaijhant di rwaitî les werenes a si åjhe, sins pont d' otos po vos vni coirner. Djôzef est houte di binåjhe do s' ritrover dins ene contrêye si plaijhante (Joseph Houziaux). F. plaisant, agréable, sympathique. >> mot d' plaijhant lomaedje: lomaedje des efants. F. apellation intime, familière.

2. k' on-z a bon d' cåzer, di viker avou leye, tot djåzant d' ene djin. Nos årans ene plaijhante pitite feye ki rshonnrè s' popa Djandjo (F. Loriaux). On dit eto: avnant, ahåyant, amiståve. F. plaisant, aimable, affable, charmant.


Mots d' aplacaedje



Dipus d' racsegnes sol plaijhi secsuwel